بدرية طلبة لـ"وشوشة": عادل إمام رمز الفن.. وتشرفت بالعمل معه في "فلانتينو"
في يوم ميلاده، حرصت الفنانة بدرية طلبة على توجيه رسالة خاصة للزعيم عادل إمام، عبّرت فيها عن حبها الكبير.
وقالت في تصريح خاص عبر “وشوشة”: "كل سنة وحضرتك طيب يا زعيم، وربنا يمتعك دايمًا بالصحة والستر والخير.. حضرتك مش بس نجم كبير، حضرتك رمز للفن وللإبداع، وإحنا بنتشرف بيك وبمسيرتك اللي خلتنا نحب الفن أكتر".
وتابعت: "أنا شخصيًا فخورة إن في يوم من الأيام وقفت قدام حضرتك واشتغلت معاك في مسلسل (فلانتينو)، وكان آخر عمل جمعنا سوا، لكن ده بالنسبة لي عمر فني كامل، ومش ممكن أنسى إن حضرتك دعمتني وشجعتني من أول ما سمعت صوتي في برنامج حسين الإمام (على الهوا) سنة 2002".
واختتمت حديثها: “أنا بشكرك على دعمك وثقتك، وبدعي ربنا يديك الصحة ويخليك لأولادك وأحفادك ولكل جمهورك اللي بيحبك في كل مكان في العالم. حضرتك أيقونة الفن مش بس في مصر، إنما في الوطن العربي كله، وبنشكر ربنا إننا من بلد فيها فنان بحجم وقيمة الزعيم عادل إمام”.