يوسف وائل نور: دور خرطوشة في "الحلانجي" من أهم أدواري
تحدث الفنان يوسف وائل نور عن كواليس مشاركته في مسلسل الحلانجي، كاشفًا عن تفاصيل جذبه للعمل والصعوبات التي واجهته أثناء التحضير لشخصية خرطوشة.
وقال يوسف وائل نور في تصريح خاص لـ "وشوشة": “أول حاجة جذبتني للمسلسل إن محمد رجب هو اللي كلمني عن الدور، وكمان القصة فيها مفاجآت في كل حلقة، والفكرة نفسها بتشد الناس، بالنسبة لي، دور خرطوشة من الأدوار المهمة جدًا في المسلسل".
وعن الصعوبات التي واجهته، أوضح: "أصعب حاجة كانت إنك تشتغل على الشخصية لحد ما تمسكها وتوصل لها بشكل مضبوط، لكن بعد ما تثبت ملامح الشخصية، الدنيا بتبقى أسهل".
كما تحدث عن كواليس العمل مع محمد رجب، قائلاً: “اللوكيشن كان لذيذ جدًا، ومحمد رجب أخويا الكبير، وكل مشاهدي كانت معاه، وكنا مبسوطين جدًا اشتغلنا مع بعض قبل كده في ضربة معلم، لكن المشكلة وقتها إننا مكناش بنظهر كتير سوا، بعكس الحلانجي، اللي تقريبًا كل مشاهدي كانت معاه، هو ممثل كبير جدًا، وبيحب يساعد اللي قدامه، ولأننا بنلعب دور إخوات في المسلسل، فحالة الحب بيننا واضحة، وده حقيقي لأننا في الواقع أصحاب جدًا".
وعن أعماله القادمة، كشف يوسف وائل نور عن مشروع جديد بعد رمضان، قائلاً: “معايا مسلسل بعد رمضان بطولة أسماء أبو اليزيد، لكن الاسم لسه بيتغير، ولسه مستقَرّناش على الاسم النهائي".