ياسمين عز للسناجل: امتى هنشوفك بتغيظينا بجوزك يا شيماء!؟
وجهت الإعلامية ياسمين عز رسالة مازحة للفتيات اللواتي لم يتزوجن بعد، متناولة بطريقة ساخرة استمرارهن في قضاء شهر رمضان مع أسرهن بدلًا من الانتقال إلى بيت الزوجية.
وخلال حديثها في برنامج "كلام الناس" المذاع على قناة MBC مصر، قالت ياسمين عز: "وحشتيني يا قلبي، وأنا جايلك النهارده، وبوقي قد السمسمه خجلًا من أخبارك. رمضان السنادي برضه عندهم يا شيماء؟ كعادتك، كل سنة تدعين وتقولين: إن شاء الله، هفطر السنة الجاية في بيت جوزي، لكنك مصرة تقضينه معهم، وشكلهم في الآخر هيكتبوا لك البيت!".
وأضافت بلهجة طريفة: "إحنا مستنيين اليوم اللي نقول لك: يلا نخرج، فتردي علينا وتقولي: معلش، أصل جوزي مش موافق، أو تقولي لنا: مبعرفش أخرج من غيره، وتشاوري على الدبلة بكل فخر!"
واختتمت حديثها قائلة: "نفسي ييجي اليوم اللي تغيظينا فيه بجد وتقوليلنا: معلش، مش هعرف أجي، عشان جوزي جاي عالغدا، وعملته حمام محشي!"