محمود حافظ: والدتي رحلت بعد تحقيق أمنيتها بأسبوع!
تحدث الفنان محمود حافظ بطريقة طريفة عن فكرة امتلاك نظارة تمنحه القدرة على الاختفاء، مؤكدًا أنه سيستخدمها لفعل الخير.
وعلق قائلاً: "أنا عن نفسي هلبسها عشان استخدمها في الخير، هشوف أي حد مفتري وهلبسها عشان أديله على قفاه، وأكيد مش هلبسها عشان استخدمها في الشر".
وأشار محمود حافظ، خلال حواره مع برنامج "مش سنطة رمضان"، على قناة الحياة، إلى أنه شخص منظم ويحب الالتزام بالمواعيد، لكنه أشار إلى أن طبيعة برجه، وهو برج الدلو، تجعله أحيانًا يتجاوز القواعد بشكل بسيط.
وعلق قائلًا: "أنا بحب النظام والانضباط، وده حتى في شغلي، لكن ممكن نفوت حاجة أو اتنين، ولو اتمنعنا بنحتاج نفرغ، بس إحنا طيبين جدًا، بس لهجتنا غريبة وممكن نقلب بلد كاملة".
كما استعاد لحظة مؤثرة في حياته، حيث تحدث عن والدته الراحلة ومعاناتها مع مرض الفشل الكلوي، مشيرًا إلى أنها كانت دائمًا تدعو أن يمنحها الله عمرًا يكفي لترى زواجه وأطفاله.
واختتم: "أنا الوحيد بين إخوتي اللي ماكنش متجوز وقتها، وكنت بسمعها دايمًا بتدعي إنها تعيش لحدما تشوفني متجوز وتشوف أولادي. وفعلاً، ربنا أكرمها بالعمر لحدما حضرت فرحي وشافت أولادي، وبعدها بأسبوع توفاها الله".