شريف حافظ يكشف أسباب مشاركته في مسلسل “أثينا”
كشف الفنان شريف حافظ عن الأسباب التي جذبته للمشاركة في مسلسل “أثينا” المنتظر عرضه قريبًا في رمضان، موضحًا أن السيناريو المميز والحوار الجذاب كانا من أبرز العوامل التي دفعته لقبول الدور.
وقال شريف في تصريح خاص لـ"وشوشة": “مسلسل أثينا" الورق والسيناريو وحواره حلو جدًا، والشخصية الجديدة عجبتني لأني ما جسدتش دور زيه قبل كده، والحوار كله متعملش قبل كده في مصر، وده اللي عجبني جدًا".
وأضاف: “أستاذ يحيى إسماعيل ومحمد ناير أنا من أول ما شفت شغلهم وأنا كنت عايز أشتغل معاهم، وأنا واحد من الناس زي أي حد بيحب يعيد كل مشهد عشان يستمتع بيه من كتر ما هو انسجامه حلو جدًا”.
وعن تقدمه في تصوير مشاهده، أشار شريف: “لسه مخلصتش تصوير بس مفضلش كتير، حاجات بسيطة جدًا".
وحول الفنانين الذين سيظهر معهم في أغلب مشاهده، قال: “أكتر المشاهد مع جميع الممثلين، بس الأكتر مع تامر هاشم”.
يذكر أن مسلسل “أثينا” يعد من الأعمال المرتقبة، ويضم نخبة من نجوم الدراما، مما زاد من تشوق الجمهور لمتابعته.