عمر الشناوي: الهدف من فيلم "لأول مرة" تسليط الضوء على العلاقات الإنسانية
في العرض الأول لفيلم "لأول مرة"، وجه الفنان عمر الشناوي شكراً خاصاً للجمهور على حضورهم ودعمهم، قائلاً:"حابب أشكركم جداً إنكم اتفرجتوا على الفيلم ولسه موجودين معانا لحد دلوقتي بالنسبة لي، الموضوع بدأ لما أستاذ إبرام وأستاذ رأفت كلموني بخصوص الدور روحت قعدت معاهم، وأول ما قرأت الورق، حبيت الإنسانية والواقعية اللي فيه".
وأضاف الشناوي:"أما عن الواقعية، في ناس توقعت نهاية الفيلم وناس تانية مكنتش متوقعة، لكن الهدف مش هو النهاية إذا كانت متوقعة، أو لا الهدف الأساسي للفيلم هو تسليط الضوء على العلاقات الإنسانية زي علاقة بين أخ وأخته أو أم وابنها، والعواقب اللي بتحصل لما مفيش نقاش أو حوار بخصوص المشكلات في غياب النقاش، بتتراكم الأزمات وبتوصل لمرحلة انفجار".
واختتم حديثه بالتأكيد على رسالة الفيلم قائلاً: "الفيلم بيركز على الإنسانية، مش على الأحداث أو التوقعات الهدف الحقيقي هو استعراض العلاقات الإنسانية وتأثير الشرخ اللي ممكن يحصل بينها لما بيغيب التواصل".