لبنى ونس لـ"وشوشة": هتصرف مع أحفادي زي ما الأم عملت في "ساعته وتاريخه"
حقق مسلسل "ساعته وتاريخه" نجاحا كبيرا بعد عرض حلقتين منه وتداول رواد مواقع التواصل الاجتماعي صور من الحلقات، واندهش الكثير من الجمهور من رد فعلا الأم تجاه مقتل ابنتها على يد زوجها في الحلقة الثانية من المسلسل.
وتواصلت "وشوشة" مع الفنانة لبنى ونس، للحديث عن دورها الذي أدى لصدمة كبيرة واندهاش للجمهور، وعن رأيها في الطفلة الموهوبة لميس محمود.
وقالت “ونس”: "أنا عارفة إن الطبيعي الناس تندهش ازاي الأم تبقى عارفة إنه قتل بنتها وسكتت بس أنا شايفة بموضوعية شديدة جداً ليه سكتت علشان بنتها ظالمة هو مقتلهاش هي من كتر قساوتها عليه وكانت بتضربه بالجزمة فقدت أعصابه و زقها ماتت والوقعة كانت جامدة وماتت هو ميقصدش".
وأضافت: "الأم كانت بين حاجتين تقول ويبقى ظلم لأنه مقتلهاش هو قتل خطأ وأحفادها يتدمروا في الآخر وسمعتهم هتبقى صعبة جدا وكان قرار حاسم أنها تخبئ".
وتابعت: " أنا قريت الدور واستغربت جدا بس لما فكرت بموضوعية ولما حطيت نفسي مكانها هعمل كدة علشان أحفادي لازم أحميهم وأحافظ عليهم بس أنا شايفة إنها شخصية قوية جدا".
وعن الفنان أحمد أمين، علقت قائلة: "كواليسه قمر زيه اشتغلت معاه في جزيرة غمام، بني أدم وإنسان وراقي ومبدع".
واختتمت حديثها بتعليق عن الطفلة لميس محمود، قائلة: "موهوبة جدا جدا جدا وشاطرة جدا وليها مستقبل جميل".