لميس الحديدي ردًا على تصريحات رئيس الوزراء بشأن ارتفاع الدولار: عاوزين طاسة الخضّة
علقت الإعلامية لميس الحديدي على تصريحات الدكتور مصطفى مدبولي رئيس الوزراء بشأن ارتفاع سعر الدولار في مصر خلال الفترة الأخيرة، وربطها بانتهاء الانتخابات الرئاسية الأمريكية.
وقالت الحديدي عبر حسابها على منصة إكس “تويتر سابقًا”: «بعيدًا عن نظرية علاقة اقتصادنا بالانتخابات الأمريكية البعيدة جدًا.. الحقيقة ان كلنا عاوزين طاسة الخضة القديمة بعدما لامس الدولار الخمسين جنيه ولا نعلم إلى أين!».
وأضافت: كلنا مخضوضين بدءًا من المستثمر الأجنبي اللي عاوز يفهم الدولار رايح فين، والمستثمر المصرى اللى مش عارف يحسب التكلفة، وصولًا إلى وزير المالية اللى المفروض يبقى مفزوع لأن عليه التزامات وديون وسلع أساسية وبترول بالدولار.
وتابعت الحديدي: أخر حاجة بقى المواطن ده بقى عدّى مرحلة الخضة من كتر اللى شافه لأنك عارف طبعا يا دكتور إننا دولة مستوردة تقريبًا لكل حاجة حتى البيض يعنى كل زيادة في الدولار هي زيادة في الأسعار وأي انخفاض فيه لا يعني أبدا خفض للأسعار وبعد كل ده قولِّى مش عاوزنا نتخض؟ طب إزاي؟.
