"قولنا نتأكد إنكم مش تمام".. أول تعليق من رامي صبري بعد هجوم ويجز عليه
وجه المطرب رامي صبري، رسالة غير مباشرة عبر حسابه الرسمي بموقع تبادل الصور والفيديوهات "إنستجرام"، بعد الهجوم الذي تعرض له من مطرب الراب ويجز، وزعمه بأنه رقم 19 بين النجوم الأكثر شعبية في مجاله.
ونشر رامي صبري، مقطع فيديو من أغنيته الشهيرة "كنا معديين"، التي طرحها في شهر يوليو الماضي ضمن أغاني ألبوم "أنا جامد كده كده" عبر موقع الفيديوهات "يوتيوب"، وحققت نجاحا كبيرا حينها، حيث تخطت عدد مشاهدات الأغنية حتى الآن المليون مشاهدة.
وتفاعل معه الجمهور بشكل كبير، وجاءت التعليقات كالتالي: "متنمر أوي"، "جامد يا رامي سيبك منه"، "رقم كام دا يا صاحبي"، "زمانه قاعد بيغدي النونة دلوقتي"، "معدي الكل"، "والله حبي ليك مش من فراغ"، "أنت التوب يا رامي وفكك من أي حد".
هجوم ويجز على رامي صبري
وسبق وأن نشر ويجز مقطع فيديو عبر حسابه الرسمي بموقع التواصل الاجتماعي "إنستجرام"، وهاجم من خلاله المطرب رامي صبري، وذلك بعدما صرح الأخير في أحد البرامج التلفزيونية بأنه لا يفهم كلمات أغانيه.
وقال ويجز في الفيديو: "على أي حد والناس تسمع وتسكت، الفنان دا اسمه رامي، رامي كل ما يقعد 4 او 5 شهور يزهق يطلع يتكلم على بتوع الراب والهيب هوب، هتتكلم امتي على فنك ومجالك وبتوع البوب الى انت منهم؟".
وأردف ويجز: "انت متفهمش في الراب حاجة زي ما قولت قبل كدا، فمش هتعرف تعمله، لو لقيت واحد بيعرف يسوق عجلة وانا مش بعرف فهحترمه، لو حد بيعمل حاجة وانا مش بعرف اعملها هحترمه، انت مش بتقدر الفنانين دول، انت شايفهم انهم عاوزين يوصلوا في ليفل أنت فيه، في حين أنهم معدينك، انت مش رقم 2 يا رامي، أنت رقم 19، بعيد اوي بجد".
كلمات أغنية كنا معديين
كنا معديين قلنا نشوفكم حبّة وإنتم معيطين
ومش كويسين وتايهة بيكم الدنيا بعد منّا وخلصانين
كنا معديين قلنا نشوفكم تقولوا متأسفين
تقولوا ندمانين بناخذ فكرة لما سبتونا يعني روحتوا فين
جاهزين تسمعوا دي الوقتِ كثير
ماشيين ده عشانكم لغينا مشاوير
على فين دي القعدة هتِحلى كمان
على مين ده إحنا عملناها زمان
كنا معديين قلنا نشوفكم حبّة وإنتم معيطين
ومش كويسين وتايهة بيكم الدنيا بعد منّا وخلصانين
كنا معديين قلنا نتأكد إنّكم مش تمام
ونقفل الكلام وتندهوا لنا عاملين إيه وما نردّش السلام
كنا معديين قلنا نشوف حقوقنا بس راحت لفين
ويا ترى جابها لنا مين نشوف بعنينا حالكم ومفعول السنين