باهر النويهي: نور النبوي سلس في التعامل.. وكواليس "6 شهور" رائعة

يخوض الفنان الشاب باهر النويهي تجربة درامية جديدة من خلال مسلسل "6 شهور" وقال باهر النويهي في تصريحات خاصة لـ وشوشة إنه يجسد شخصية "حسام" وهو عضو في شركة الـ Real- estate، ومن ثم ينضم إلى الشركة كلا من مراد ولطيفة ومن شروط الإستمرارية في الشركة هو تقفيل التارجيت.

وبسؤاله عن كواليس العمل أوضح "باهر النويهي" أنه كان سعيد جدا في الكواليس، حيث قال: "من أكتر الكواليس اللى اتبسطت فيها فى الشغل...الـ crew كله كان بيساعد بعض إننا نطلع أحسن شغل.. المخرج مصطفى سولى كان حريص جدا إن شخصية حسام تطلع زى ما كاتبينها المؤلفين أحمد هشام وعمرو أبو زيد لأنهم كاتبين المسلسل زي الحقيقة بالظبط، وكان دايمًا مديني طاقة حلوة ومشجعني فى التصوير".

أما عن تعامله مع الفنان نور النبوي، قال: "نور النبوي جدع و سلس التعامل .. لما إتكلمنا مع بعض و كنت لسة فى بداية التصوير فكنت قلقان، طمنى جداً، ووقف جمبى فى التصوير في مشهد إتلغبط فيه فقال أنها من عنده علشان نعيد".

وتابع حديثه "ليشع عنده قدرة يضحك في أي وقت على أى حاجة ومن الناس اللي بتساعد بجد.. أمجد الحجار و ميشيل كانوا صحابى من ايام أ/خالد جلال فكتير كنا نقعد مع بعض و نسترجع ذكرياتنا"، مختتما "لا حقيقي الكرو كله بلا إستثناء بيشجع إنك تطلعي أحسن ما عندك".