بندفع ضرايب البلد وأنتوا قاعدين بالتكييف.. مصطفى أبو سريع يدافع عن محمود حافظ: فبركوا تصريحاته
دافع الفنان مصطفي أبو سريع، عن صديقه الفنان محمود حافظ، بعد تداول تصريحات له هاجم فيها جمهوره، وذلك بعدما انتقدوا دوره في مسلسل عمر أفندي.
وقال مصطفي أبو سريع في تصريحات لبرنامج الراديو بيضحك المذاع على الراديو 9090: التصريح اللي مكتوب دا مش من محمود دا متفبرك، أنا عارف محمود واحنا صحاب من أيام ثانوي، وعمره في حياته ما يقول كده.
وأضاف: كلام اللي الناس قاعدة في التكييف واحنا بندفع ضرايب دا مش كلام محمود، هو عمل الشخصية حلو أوي.
وتابع: الناس انتقدته عشان عملوا مقارنة بين شخصيته في عمر أفندي واقي الشخصيات اللي عملها وحسوا أنهم شبه بعض، والناس دايمًا بتختلف الآراء بتاعتها عن أي عمل فني، والناس المفروض تنقد بطريقة تخلي الفنان يطور من نفسه مش يكتأب.
وخلال الساعات الماضية تم تداول تصريح منسوب للفنان محمود حافظ، على مواقع التواصل الاجتماعي، كاتبًا: احنا اللي بندفع ضرايب البلد، قولي انت بتعمل إيه غير إنك بتشتم فينا وأنت قاعد تحت التكييف.
يذكر أن مسلسل عمر أفندي من بطولة أحمد حاتم، مصطفى أبوسريع، آية سماحة، رانيا يوسف، محمد رضوان، محمود حافظ، أحمد سلطان، زينب العبد، ومن تأليف مصطفى حمدي، وإخراج عبدالرحمن أبو غزالة.