أبلة فاهيتا تكشف أنواع الرجال والسيدات في "بيت السعد": الست زي الأفلام
كشفت أبلة فاهيتا، عن أنواع الرجال والسيدات من وجهة نظرها وذلك خلال لقاء لها ببرنامج بيت السعد، المذاع عبر شاشة تلفزيون قناة إم بي سي وان، اليوم الأربعاء ويقدمه كلا من المطرب أحمد سعد وشقيقه الفنان عمرو سعد.
وقالت: الستات أنواعها زي الأفلام بالظبط في الست الوثائقية دي اللي بتوثق كل حاجة وصريحة وتقول للأعور أنت أعور في عينه بس لا فيه هزار ولا ضحك ولا حاجة خالص كلها بالوثائق وفي ست اللي هي رومانتيك كوميدي دي اللي بتحب على روحها طول النهار عبيطة وهبلة وتطلع من حفرة تخش في دحديرة بس كله واخداه بالضحكة الحلوة.
وتابعت أبلة فاهيتا: وفي نوع اللي هو الأكشن ودي مش بتهمد طول النهار تلعب رياضتين تطبخ طبختين تشتغل شغلانتين والنوع الأخير هو النوع الرعب انتقامية ومرعبة.
برنامج بيت سعد يقدم البرنامج فقرات متنوعة من الضحك والموسيقى في أجواء من الفرح والمرح. ويستضيف البرنامج مجموعة من ألمع نجوم الفن في مصر والعالم العربي، من بينهم محمد هنيدي وإليسا وأحمد السقا والشاب خالد.