خطيبها هرب منها والفن ضيع عليها فرص الجواز.. أزمات في حياة جميلة عزيز بعد إصابتها بالسرطان للمرة الثانية

تعيش الفنانة جميلة عزيز، حالة من الحزن وذلك بعد لإصابتها بمرض السرطان للمرة الثانية، حيث أصيبت بسرطان الثدى من قبل وهو ما أعلنت عنه.

وجاءت نتائج التحاليل الخاصة بالفنانة جميلة عزيز إيجابية واظهرت إصابتها بورم خبيث.

مرض جميلة عزيز ليس الوحيد الذي تسبب لها في أزمات نفسية، فقد مرت بأزمات عدّة من قبل سبق وأفصحت عنها، في تصريحات متلفزة ومصورة.

وقالت جميلة عزيز: خطيبي تخلى عني ومسألش عليا فترة مرضي، لقيته أختفى وسافر ومبقاش له وجود خالص في حياتي، ودي من الحاجات اللي أثرت فيا نفسيًا جدًا، أنا مريت بحاجات صعبة جدًا في فترة تعبي، كأن ربنا كان عايز ينور بصيرتي أن ده شخص وحش، ويمكن المرض ده جالي علشان أبعد عن أشخاص معينة وأفوق لأني كنت مرتبطة بيهم جدًا.

وأضافت: اتخطبنا حوالي 3 سنين، وشوية شوية كان بيختفي، لدرجة أني كنت تعبانة جدًا ومردش عليا، وهو مكنش يعرف عني أي حاجة أنا حية ولا ميتة لغاية دلوقتي، ولغاية دلوقتي محاولش يعرف عني حاجة، وكان بيقولي أنا مش هبعد عنك إلا لو موت، لو كان هو حصله كده كنت انا عملت كده؟ استحالة أنا عندي أصل، ده لو مربية قطة في البيت وتعبت مش هترميها في الشارع وهتعالجيها، منه لله وربنا يسامحه.

كما قالت إن الفن ضيع عمرها ولم تكون حياة زوجية موضحة: الفن ضيع من عمري وضيع عليا أني اعمل بيت وأسرة، وأنا مش ندمانة ده نصيب من عند ربنا، البني آدم لو مكتوب له أنه يرتبط ويتجوز ويعمل أسرة يبقى هيحصل سواء في الوسط أو برا الوسط، يمكن مكتوب لي عند ربنا أو مكتوبلي يوم القيامة أني ارتبط بملاك، أصل اللي متجوزش في الدنيا هيتجوز في الآخرة أكيد.

واختتمت: أي حاجة بتيجي للبني آدم بتكون تجربة وبتكون خير له، ربنا مبيسببش حاجة للبني آدم غير لما تكون خير لما بعد ذلك، وعايز يخليني في مرتبة أعلى.