عزيز الشافعي يعلق على حذف أغاني شيرين عبدالوهاب بعد ساعات من طرحها
علق الملحن عزيز الشافعي على أزمة الفنانة شيرين عبدالوهاب بعد حجب أغانيها من موقع "يوتيوب"، بعد طرحها أغنيتين من ألبومها الجديد بساعات قليلة.
ونشر عزيز الشافعي على صفحته الشخصية على موقع تبادل الصور والفيديو "إنستجرام"، فيديو له يشرح فيه الموقف وما تم خلال الساعات القليلة الماضية.
وعلق على الفيديو قائلًا: "كنت أتمنى الأغانى اللى أنا لحنتها وتعبت فيها تنزل بشكل أفضل من كده، وتكون دلوقتي موجوده على كل منصات الإستماع، وبتتغنى فى الإذاعة بشكل طبيعي".
وأضاف: "فوجئت إن الفنانة شيرين عبدالوهاب نزلت أغنيتين امبارح، وحتى نزلوا من غير ما ينتهوا بشكل نهائي، لكن كل ده مش مشكله، المشكلة إن أنا تواصلت مع محامي الشركة وبلغنى بأنهم هيطالبوا شيرين بملايين بسبب اللى حصل ده".
وتابع: "اكيد أنا عارف شيرين ممكن تكون استعجلت وغلطت، وأنا ضد إن حد يجي على حقوق حد، بس فى الآخر فى شيرين واحده فى مصر، ومش عايزين مشاكل ومش عايزين غير نسمع شيرين فى كل مكان".
وإختتم الشافعي: "أنا متفهم إن شيرين نزلت الأغاني عشان وعدت جمهورها، والفنان بيبقي عايز ينزل شغله عشان جمهوره، أنا بدعم شيرين، واتمنى حد كبير من الموسيقيين والقانونيين، يحلوا المشكلة دى، ونرجع نسمع شيرين".
أغنية اللي يقابل حبيبي ألحان عزيز الشافعي، كلمات تامر حسين، ميكس وتوزيع أمين نبيل، وهندسة صوت خالد سند.
يذكر أن شيرين عبدالوهاب كانت قد شاركت الجمهور بأغنيتين من ألبومها الجديد، وهم "بتمنى أنساك، اللى يقابل حبيبي"، وذلك بسبب ادعاء الشركة المنتجة بمخالفة شيرين لبنود التعاقد.