بعد تصدرها الترند.. أبرز تصريحات هنا الزاهد في صاحبة السعادة

تصدرت الفنانة هنا الزاهد، ترند مواقع السوشيال ميديا، عقب انتهاء حلقتها مع الفنانة والإعلامية إسعاد يونس، ببرنامج “صاحبة السعادة”، خاصة بعدما تحدثت لأول مرة عن قصة انفصالها عن الفنان أحمد فهمي، وفى السطور التالية نرصد أبرز التصريحات...

1- كنت بصور فيلم “فاصل من اللحظات اللذيذة” وأنا عندي مشاكل مع أحمد وآخر يومين تصوير كنا خلاص اتفقنا على الطلاق.

2- خبر الانفصال كان مفاجأة لناس كتير وقالولي إزاي كنتي مخبية.

3- كنت متخيلة إني هنهار واتعب بعد الانفصال بس منزلتش دمعة واحدة.

4- كان لازم ابدأ أتعافى من جوة، فقعدت أركز مع نفسي وشغلي، وأهلي سبب في اني اعدي الفترة دي.

5- أهم حاجة متبقيش لوحدك، تكوني مع عائلتك لأن عائلتك هما اللي هيدعموكي، وأول ما حصل ده روحت لأمي وإخواتي وبقيت وسطيهم، فهما ادوني الدعم».

6- كنت مؤمنة إن ربنا بيعملي الخير، أنا كان عندي إيمان كبير إن ربنا شايلي حاجة أو أكيد شايف حاجة علشان كدة حصل كذا.