ميار الببلاوى توجه رسالة نارية لـ بسمة وهبة‎

وكتب عبر حسابها الشخصي موقع التواصل الاجتماعي فيس بوك قائلة كل الناس عماله تقولى غلطك طلعتى فى برنامج بسمه طيب اقسم بالله ماكنت اعرف انها هتكون هجوميه كده اتلجمت مكنتش عارفه ارد خالص وكل الى كان فى دماغى انى الغى الحلقه ليس كل منطوق مقصود انا مطلقتش ١١مره كان قصدى ان حوزى على طول بيقول عليا الطلاق يا جماعه دا بتاع البطيخ بيحلف يمين طلاق ان البطيخه حمرا يبقى مراته طالق الناس ماسكه على كلمه واحده تستاهلى علشان طلعتى مع بسمه خلاص ارحمونى اعترفت بغلطتى.

وأضافت بس انا  صحبتى دعتنى لبرنامجها وانا بحب بسمه ومن زمان وصورنا قبل رمضان باسبوعين وانا اقسم بالله عمرى مشفت برنامج العرافه دا قبل كده اللهم حلقه شاكوش ومراته وعارفه بسمه طيبه وبتحبنى فوجئت بالكاركتر الى كانت متقمصاه فى البرنامج كان كل همى احافظ على هدوئى واحترامى للمكان وارد على اى سوال بصراحه علشان المصداقيه انا كنت ضيفه فى برنامج متشاف مع مذيعه كبيره على قناتين كبار النهار والمحور انا الفلوس فوالله انى اخدت مبلغ لا يذكر  وكنت مصممه ارجعه والغى الخلقه واسالو استاذ شريف رئيس تحرير البرنامج.

وأوضحت ارجوكم كفايه نقض والى حصل فى الفيديو الناس الى بتقول تمثيل ربنا يحسسكم بالقهره وجع قلب الشريفه الحره المتقيه وبها لما يتقال عليها زانيه من شيخ  انا غلط لما قبلت اطلع مع بسمه ويشفعلى جهلى بالبرنامج وطبيعته وغلط انها لما قالتلى ١١مره مفهمتهاش ان حلف بالطلاق فوق الميه مره يعنى ابقى مطلقه ميه مره وبعدين محدش ليه دعوه بحياتى الشخصيه جوزى وابنى وجوازى خط احمر من هنا ورايح والناس الى بتقولى انتى الى اتكلمتى وقولتى وعاوزين يرجمونى انا كنت بتسال وبحاوب مش انا الى فتحت اى كلام وكنت بحاول اتهرب من الاجابه بس بسمه كانت مستميته على الترند من كلامى مكنتش مديانى فرصه نهائى غير الى اتمنتج بصو انا كتبت لانى مخنوقه من الكومنتات وفى النهايه انا طلعت فى برنامج على فضائيات محترمه على قناه كبيره مش طلعت فى شقه مشبوهه تعبت  كفايه استحلفكم بالله متسبوش الى عمله والى قاله الشيخ وتمسكوا فى غلطه انا معترفه بيها وبحكم شغلى كمذيعه بعرف اسال كويس بس بحد معنديش ملكه الرد ومش هقدر اوعدكم انى لو اتطلبت ضيفه فى اى برنامج هوفض لان دا شغلى  بس حياتى الشخصيه خط احمر ودا هيكون شرطى انا خدت كل الادويه بس والله من النكد ماقادره انام وكمان بدانا الاحراءات القانونيه.

واختمت حديثها قائلة سمعت انه مسح الفيديو بس خلاص  سيفناه والمستشار القانونى بدا شغله وحسبى الله ونعم الوكيل  وبعتذر على عدم الرد على الساده الصحفيين لان ام يعد لدى مااقوله والامر ترك للقانون والقضاء المصرى الشامح وعند الله تجتمع الخصوم.