ابنة تامر حسني تعمل كمديرة أعماله لمدة ٢٤ ساعة
الأحد 28/أبريل/2024 - 12:29 ص
وشوشة
كريمة محمود
نشر المطرب تامر حسني عبر حسابه الشخصي بموقع تبادل الفيديوهات والصور "إنستجرام"، فيديو له بصحبة ابنته تاليا، التي عملت كمديرة أعماله لمدة 24 ساعة.
ونشر تامر حسني فيديو وعلق عليه قائلا: "قصة الفيديو.. اللي جنبي هو أستاذ عمرو مخرج الحفلة صاحبي وكنا في كلية إعلام مع بعض وفرحت أوي لما شوفته يومها بيخرج حدث مهم كده.. أما حبيبة قلبي تالية.. جاتلي من أول اليوم قالتلي أنا النهاردة مديرة أعمالك وهتسمع كلامي في كل حاجة، قولتلها حاضر بس الشغل مفيهوش هزار ركزي في كل التفاصيل، قالتلي حاضر وطلعتلي البدلة اللي عجباها وجزمة ضيقه عليا بس هي صممت عليها وأنا قولت حاضر".
وأضاف: "اختارت لي الأغاني ورتبتهم وماشيه جانبي بقى عامله وش الجد ومش بتهزر قال يعني كده مديرة لحد ما اتكسفت كدة والطفلة اللي جواها اللي بموت فيها ظهرت في الضحكة.. ربنا يحفظك يا حبيبتي و يحفظ كل ولادنا".
