"مفيش رجالة".. أبرز تصريحات رانيا يوسف عن الرجال بعد إعلان ارتباطها‎

وكشفت الفنانة رانيا يوسف عن دخولها في قصة حب جديدة خلال الفترة الحالية، قائلة: "إحنا عايشين في حالة إعجاب متبادل وهو إنسان متواضع جدا ومكافح جدا وبحترمه جدا وهو مطلق وله ابن وهو صديق كويس لطليقته وهو أكبر مني بأربع سنين، وعموما لا أؤمن بفرق السن".

ودائما ما تثير الفنانة رانيا يوسف الجدل حول تصريحاتها الجريئة ورأيها في الرجال ونرصد هذه التصريحات خلال السطور التالية.

تحدثت رانيا يوسف فى تصريحات لـ "ET بالعربي"، عن نوعية الرجال اللذين يتخلوا عن مسؤوليتهم قائلة: "المجتمع عندما يرى شخصية المرأة قوية ومستقلة وتستطيع أن تتحمل المسئولية كاملة، يتمادى بشكل ملحوظ وعلى رأسهم الطرف الآخر لذلك نقوم بمسئولية الطرفين".

وأضافت قائلة: "ونرجع نقول الستات استرجلت .. ما عشان مفيش رجالة".

وقال رانيا يوسف خلال لقائها مع gossips: "مفيش راجل بيقع في الحب كل حاجة في الأول بتبقى لطيفة، لكن بعد كده بيبان على حقيقته.. وأنا عت نفسي مشوفتش راجل بيقع في الحب الرجالة بيفكروا أكتر بغريزتهم إحنا اللي بنفكر بعواطفنا".

وصرحت رانيا يوسف خلال حديثها لبرنامج مساء dmc، للإعلامية إيمان الحصري عن رأيها في الرجال قائلة: "لا يوجد راجل يستطيع تحمل المسئولية التى تقع على عاتقي"، وتابعت: "بزعل من خيبة الأمل والزعل بيهدني وياخد من طاقتي والوجع بيخليني عاوزة أنجح أكتر وأبقى أحسن أنا مفيش حاجة تكسرني مش بكسر مينفعش أقع وبتكلم بينى وبين ربنا عشان عندي مسؤوليات كتير فى رقبتي ولازم أكمل". 

وأكملت حديثها قائلة: "طول الوقت شايفينك من بره محدش يعرف جواكي إيه، واحدة ست عايشة فى مجتمع  ذكوري، الراجل ميقدرش يشيل عشر اللى أنا شيلاه هيقع، أنا مطمع للرجالة لأني مشهورة وفنانة ومعاها فلوس والحياة مش سهلة بس لازم تبقى محاربة، وبرفض ارتبط بحد عشان يشيل المسئولية محبش حد يتحكم فيا ومستحيل أتجوز حد غني عشان يصرف لا زي جوزاتي الثلاثة كانوا مش أغنياء بس مستورين، ومكملتش لأن كان ناقص الأمان العاطفى والاحتواء، ويفهمنى ويفهم بناتي وملقيتش حد كده".