عصام صاصا: أكبر مشكلة بيني وبين حمو بيكا هي إدارة أعماله
الجمعة 22/مارس/2024 - 04:37 ص
عصام صاصا
جيجي محمود
علق مطرب المهرجانات عصام صاصا على تصريحات حمو بيكا قائلًا: "وافقت على التنازل ومضيت عشان مكنتش مصدق نفسي، كنت 18 سنة، واغنيتي جابت 100 مليون، وكنت مازلت شغال عالتوك توك زيي زي أي حد، وال 100 مليون مكنوش يعرفوا شكلي، ولا يعرفوا إني أنا اللي بغني الأغنية دي، ومبعرفش أغنيتي نازلة امتى، لأني متأكد إن الناس اللي معايا شغالين صح، وأول فلوس ليا كانوا 1000 جنيه، وكنت بنزل الفرح ب 2000 جنيه، ووالدتي مكانتش معارضة ده، وصوتى حلو وراثة من امي".
وقال عصام صاصا، خلال استضافته ببرنامج "أسرار" مع الإعلامية أميرة بدر المذاع على قناة النهار: "حمو بيكا لو قال إنه ساعدني يجتمع بيا ونشوف، ومفيش حد بينجح حد غير ربنا، وممكن يكون ربنا اختارني، اكبر مشكلة بيني وبين بيكا هي ادارة أعماله، وكان الناس تقولي ادارة اعمال بيكا نصاب وحرامي، ولما ساب بيكا جالي وبقى معايا، ومهما الناس تقولي عنه مكنتش بصدقهم، اول مرة اقابل بيكا كانت ساعة تسجيل أغنية رب الكون ميزنا بميزة، وقلتله وشي حلو عليك".
وأضاف صاصا قائلًا: "أكتر مرة اتضايقت لما حد نزلني أنا وأخويا من عربية في مكان ما وأمي قعدت تعيط، ومفيش حد وقف معايا غير أمي ومفيش حد خيره عليا، وبعد والدتي ستي أم والدي، ولو الشخص ده طلب مني أي حاجة مش هعملها".
