مها أحمد: مسؤولة كبيرة قعدتني في بيتي 5 سنين
السبت 16/مارس/2024 - 04:41 ص
وشوشة
جيجي محمود
علقت الفنانة مها أحمد على غيابها عن التمثيل لفترة طويلة قائلة: اللي ضرني إن كان فيه وقت الثورة قيادات قاسية من المتحكمين في الدراما عاندت معاه من غير ما أقصد قعدني 5 سنين في بيتي.
وقالت مها أحمد خلال استضافتها ببرنامج "أسرار" مع الإعلامية أميرة بدر المذاع على قناة النهار، كنت بعمل بطولة مسرحية وجالي ابن مسؤولة كبيرة في ماسبيرو هي المتحكمة في توزيع الأدوار في المسلسلات وابنها كان شغال سمسار أدوار ومامته شريكة في معظم الأعمال وأنا مكنتش فاهمة للآسف ولو فاهمة كنت هعمل ايه بردو.
وأضافت مها أحمد: ابن المسؤولة طلبني في أكثر من عمل كانوا كتير عليا فرفضت عشان الالتزام لاني بخاف على سمعتي، وكان موريني سابقة أعمال كبيرة جدا من ضمنها للزعيم عادل امام، وكانوا مصرين أشتغل في سيت كوم معين، لكني رفضت، وبسبب مسؤولة ماسبيرو للدراما تم وقفي 5 سنين، ومش مفروض أطلع أبرر لكل الناس كل حاجة، لأنها كانت قادرة أووي ساعتها، وأنا كنت بعاند أكتر.
