أمير كرارة يكشف عن قصة شبح طارده منذ 25 عاما

وأضاف خلال لقائه ببرنامج "حبر سري" الذي تقدمه أسما إبراهيم بقناة "القاهرة والناس"، الشارع اللي اتضربت فيه من الشبح كان فيه مشرحة وكنا مسميينه زمان شارع الوحوش لأنه كان ضلمة علطول ولما اتخبطت دخلت المستشفى واتعالجت وبعدها رجعنا نشوف قصة الشارع لقيناه مختلف المعالم لدرجة إن باب المستشفى فجأة لقينا عليه شجر وعنكبوت.

وتابع: بداية الموضوع إني وأنا ماشي في الشارع لقيت صوت رجل بيجري ورايا وكل لما أبص ملقيش حاجة وفجأة جيت بصيت لقيت حاجة بتترفع وفي لحظة لقيتني بتضرب على رأسي ولحد النهاردة مش عارف ايه اللي حصل بالظبط.

في نفس اللقاء قال الفنان أمير كرارة: أنا من الناس اللي طول الـ24 ساعة بتفكر ، بفكر في بكرة واللي جاي وهنعمل إيه في اللي فات وعلشان كده عندي مشكلة في النوم وبكره النوم مش بحب النوم وبنام علشان لازم أصحى.

وأضاف: أنا أخدت مرة واحدة في حياتي منوم ودخلت بعدها بشوية لقيت نفسي بنام اتخضيت وجالي فزع فجريت على المستشفى ودخلت على الدكتور قاللي فيه إيه قلت باموت وقلبي هيقف وقلت أخدت حباية منوم فلقيت نفسي بنام فقالي ما أنت لازم تنام قلت له لأ أنا أنام بمزاجي محدش ينيمني.

وتابع: اتخضيت من حبة منوم.. أنا أقصى وقت بنام فيه 5 ساعات وباصحى بدري، أنا باكره النوم مشكلتي أنا طول اليوم باصحى وعندي على طول أرق وقلق وتوتر أنا قلقان علشان نفسي أفضل طول الوقت كل حاجة كويسة ومش عايز حاجة عملتها تضيع.