سمية الخشاب تبكي بسبب الكوميكسات عن الطحال: "أوجاع الناس مش مادة للسخرية"
السبت 15/يناير/2022 - 01:15 ص
سمية الخشاب
أميرة عبدالهادى
ردت الفنانة سمية الخشاب، على ما يتردد عن استغلالها جراحة "استئصال الطحال"، لتتحول لنجمة سوشيال ميديا، قائلة: "هم اللي استغلوه، أنا فقدت جزأ من جسمي وناس بتطلع كوميكس عليه، ميصحش، الناس لازم تحترم مشاعر بعضها مينفعش نطلع كوميك على حاجات تتعبنا، كله سلف ودين".
وأضافت خلال لقائها ببرنامج "حبر سري" المذاع على قناة القاهرة والناس: "ناس بتستظرف وتعمل كوميك على مشاكل ناس بتتألم، يا سيدي يا رب يبقى عندك اللي عندي، أوجاع الناس مش مادة للسخرية، دي سخافة".
وأردفت: "أنا فاقدة جزء من جسمي، وانت بتسخر، هم فاكرين إنه نكتة وألاقي حد باعت لي أخبار الطحال ايه يا فنانة؟ أخبار ايه؟ هو معدش موجود".
وظهرت بعض الدموع على الفنانة سمية الخشاب أثناء حديثها، إلا أنها استدركت الموقف قائلة: "عندي مشكلة في القناة الدمعية، مش لدرجة أعيط، أنا متصالحة مع الحياة، ومن ساعة ما شلت طحالي بقى دمي خفيف وبقيت فرفوشة".
