سميحة أيوب: اختفيت 5 سنين لأن الأعمال المقدمة كانت بدون رسالة

وقالت أيوب خلال لقائها ببرنامج "ON Set" المذاع عبر فضائية ON، "ايامها كان بيتقدم سنج وبلطجية وضرب وأنا متعودة أقول رسالة في الأعمال بتاعتي وأخشى أن الناس يزعلوا".

وعن مسلسل إجازة مفتوحة قالت "أجازة مفتوحة هي مفتوحة على المجتمع بتناقش كل حاجة في البيت وحشانا الحياة الأسرية في المسلسلات ومشاكل الأولاد في المدارس والخيانة الزوجية والتعصب فبيناقش حاجات جميلة ومنهم الستات الكبار اللي بيتقدملهم عرسان واولادها هما اللي يقنعوها تتجوز".

وعن دورها قالت "أنا الحما كما يجب أن تكون الحما لازم تدلع مرات ابنها علشان تسعد ابنها وفي ستات بيعملوا خصومة مع مرات ابنها بدون سبب".

وعن التعامل مع المخرج قالت "مفيش مناقشات مرضية الفنان فاهم النص اللي في ايده وطالما قلتله هشتغل معاك يبقى اسمع كلامه ولازم اديله فرصة يعبر عن نفسه".