بالفيديو.. رنا سماحة تعلن انتهاء الخلافات مع زوجها ‎‎

انتشرت فى الفترة الماضية العديد من الأنباء عن انفصال المطربة رنا سماحة وزوجها الملحن سامر أبو طالب؛ إلا أنها التزمت الصمت ولم تعلق على أية منها، مشددة على أن ما يحدث داخل بيتها ليس للعلن وان تربيتها تحتمها على ذلك.

وقام الملحن سامر ابو طالب بنشر مقطع فيديو يجمعه بزوجته عبر حسابه بموقع التواصل الاجتماعى انستجرام وعلق عليه قائلاً :" اولا الحمدلله  ثانيا هقول الكلمتين الجايين دول ل ( ام مالك ) مراتى و حبيبتى و ام ابنى اللى اكتشفت فى الفتره اللى فاتت دى انى ماقدرش اعيش من غيرها ولا حتى بكون مبسوط فى اى حاجه حتى ابسط الاشياء هى لازم تكون فيها معايا بحبها اوى بجد يمكن كنت اوقات بعند بس اكتشفت انى فعلا ماينفعش اكون غير ليها و هى ماتنفعش تكون غير ليا اسف لو زعلتك فى اى حاجه و ربنا يباركلى فيكى و يحفظنا من كل شر و يبعد عنا الحسد و الحقد و اللى كارهين يشوفونا مرتاحين و هاديين و الحمدلله دائما و ابدا .. نيجى بقى ل ( برنس قلبى ) ابنى و قرة عينى حبيبى و صاحبى و اخويا اللى لسه ماشوفتوش ( مالك ) مش هقولك غير انى بحبك و لما تيجى بالسلامه هقولك حاجات كتير اوى نفسى اقولهالك و مش هتفارق حضنى ابدا .. بحبك يا رنا و بحبك يا مالك.. شكراً للناس اللى كانوا بيكتبولى كلمه حلوه عشان عاوزين يشوفونا تانى مع بعض ".

وقامت رنا بالرد عليه قائلة :" الحمدلله يا حبيبي ربنا يخلينا لبعض يا رب ويخليك ليا ولمالك يا رب ويبعد عننا اي حاجه وحشه.. عيشنا فتره صعبه والحمدلله انها عدت مفيش بنا أسف يابو مالك بس عارف لو عملت كده تاني.. ربنا ميحرمناش من بعض ويحفظ بيتنا ويكبر ويعمر بوجودك وسطنا يا رب امين ..بحبك يا جوووووزي".