فرح الزاهد تكشف عن مرض نفسى ينتابها.. وأصعب المواقف التى مرت بها
الأربعاء 04/أغسطس/2021 - 11:47 م
أميرة عبدالهادى
كشفت الفنانة فرح الزاهد، عن معاناتها من مرض الوسواس القهري، معتبرة هذا المرض كابوس، يجعل شخص آخر بداخلها، يجبرها على فعل بعض الأشياء غير المريحة لها.
وقالت خلال حوارها ببرنامج "معكم" المذاع على قناة "سي بي سي" والذي تقدمه الإعلامية منى الشاذلي: "أنا بهبد باب عربيتي من كتر ما بشك إني مقفلتش الباب، وزمان كنت بتكسف اقول إني مريضة وسواس قهري".
وأضافت: "مينفعش الناس تهزر بخصوص المرض ده ولا تاخده غير بطريقة جدية، لأنه ده مرض في ناس كتير وصلهم للانتحار".
وتابعت: "أنا عندي ثلاثة أنواع من الوسواس القهري، منهم الترتيب وترتيب الذاكرة والفحص المتكرر للأشياء، صحيح مخدتش علاج بس المرض ده أهم حاجة فيه إن المريض يعوز يخرج برة دايرته ويوسع دائرة اهتماماته".
وواصلت: "مفيش حاجة اسمها حسوكة، والأهالي لازم تاخد بالها كويس جدا من المرض ده، لأنه كابوس صعب أي إنسان يتعايش معه".
واستطردت: "كنت بعيط خلال تصويري المسلسل لمجرد إن الاستايلست لمست هدومي، وأكتر موقف صعب مريت به، فضلت أيام كتير منامش على سريري عشان أخليه يفضل نضيف".
