فى ذكرى وفاتها الأولى.. ابنة رجاء الجداوى تكشف ذكريات مؤثرة عنها
قالت أميرة مختار، ابنة الفنانة الراحلة رجاء الجداوي، إنها ترى حبا غير مسبوق في كل من تتعامل معهم لوالدتها الفنانة القديرة رجاء الجداوي، مضيفة: "هو ده اللي عايشين بيه وهو ده الإرث اللي سابته شخصية وإنسانية رجاء الجداوي".
وأضافت من خلال قناة مصر الأولى، اليوم الإثنين، أن والدتها كانت فنانة عظيمة لكن حبها للناس وقلبها المتسامح وقلبها المفتوح هو الذى خلد ذكرى عظيمة لوالدتها "ولما كانت تعبانة كنت حاسة إن ليها 100 مليون ابن وابنة وحاسة إنهم هيفتقدوا شيء مهم جدا وكنت بشوفه في ناس عندها أكتر من 60 سنة لأنها كانت تحتويهم".
وأكدت : "النهاردة بقيت أحس إن العيلة والناس المقربة لينا أصبحو بالآلاف لأنهم مش سايبنا ومعيشنا أنا وبنتي حالة حب كبيرة ومجرد ما أروح أي مكان ويتعرف أنا مين الدنيا بتبقى حاجة تانية عشان رجاء الجداوي بابا دايما كان بيقول أنا متجوز جدع ست في مصر".