شيكو عن سمير غانم: "مصدقناش إنه وافق يطلع ضيف شرف معانا"
تحدث الفنان شيكو، عن ذكرياته، مع الفنان الراحل سمير غانم، عبر حسابه الشخصي على موقع التواصل الاجتماعي فيس بوك.
وكتب شيكو، قائلاً: "سمير غانم الله يرحمه كان سبب في اننا نتعرف علي بعض انا وفهمي و هشام.... وكمان كان سبب انتا نحب التمثيل و الفن و السينما.... وله فضل علينا كبير انه وافق يطلع ضيف شرف في فيلم ورقة شفرة مع ٣ اول مرة يمثلوا محدش سمع عنهم قبل كدة! و لما جه اللوكيشن قعدنا احنا ال٣ فاتحين بوقنا مش مصدقين اننا قاعدين معاه عادي".
وأضاف: "لدلوقتي مش مصدق ان بحكم صداقتنا لدنيا و ايمي اننا بنشوفه عادي في الحقيقة و انه يعرفنا فعلا و اننا ممكن نقعد معاه بالساعات عن قرب كدة....سمير غانم اسطورة فعلا...٦٠ سنة بيضحكنا بلا توقف...و هيفضل يضحكنا و يضحك اجيال جاية كتير....الله يرحمك يا استاذ الكوميديا و اطيب و انقي فنان شوفته و عرفته....الوداع يا صانع البهجة".