لميس الحديدى باكية على الهواء: أمى وقفت بجوارى وقت تهديدات الاخوان ومحنة مرضى
علقت الاعلامية لميس الحديدي، على احتفالية المرأة المصرية التي شهدها الرئيس السيسي اليوم لتكريم الامهات المثاليات لعام 2021 قائلة: "كل سنة وكل أم طيبة النهاردة..النهاردة عيد ست الحبايب اللي بنستناه كل سنة عشان نقول كلمة شكر وعرفان لأمهاتنا الي قدمولنا كتير، وفي وسط زحمة كتير في حياتنا بننسى نقلهم شكرًا".
وتابعت "الحديدي"، خلال تقديمه برنامجه "كلمة أخيرة " المذاع على فضائية "ON"، قائلة: "ممكن يكون يوم صعب على ناس كتير فقدوا أمهاتهم بالاخص في هذا العام عام " كورونا " وربنا يصبرهم ".
ووجهت رسالة لوالدتها باكية: "كل سنة وإنتي طيبة يا أمي شكرًا أو "مامي" زي ما بقلها، ومش عارفة ليه كل مابتكلم في الموضوع ده بعيط، بس هحاول أتماسك..لما حد بيسالني ايه سبب قوة شخصيتك ؟ دائمًا برد وبقول أبويا، لكن عندما افكر قليلًا بجد أن أمي كانت اقوى بكثير من والدي، رغم كونه كان شخصية قوية جدًا، وبنعملها حساب لكن هو بطبعه كان شخص " قلوق " جدًا وأنا زيه لكن والدتي كانت دائما سند الطمأنينة في بيتنا "
وأضافت: "تلاقيها وسط العواصف هادية ونادية ساكنة هي سريعة التصرف، لكن في صمت، وفكرة الهلع والفزع ماكنتش من طباعها، وأنا تعلمت منها ده في وقت الازمات لازم لأكون واقفة وصلبة، وممكن أعيط مع نفسي في أوضه مقفولة بس مش قدام الناس".