إلهام شاهين: والدى جمع مشاهدى الجريئة فى فيديو.. واعتبرته عدوى بعد هذه اللحظة

وتابعت خلال لقائها ببرنامج "السيرة" الذي تقدمه الإعلامية وفاء الكيلاني بقناة dmc": ندمت على زيارتي لأبويا لما واجهني بشريط ممنتج لكل مشاهدي الجريئة، ووقتها جالي حالة سكوت، واعتبرت اللي يعمل كده عدوي، مع إني كنت بحب أبويا، ولكن اللي أنا شفته في الموقف ده عدوي.. لقيت جمع شوت برقص فيه وشوت لابسة قميص نوم مفتوح وشوت واحد حاضني وآخر بالمايوه".

وأكملت: أبويا كان عايز يحرجني ويقول لي إن هو كان صح وأنا غلط ولكني ما اقتنعتش، وقلت له أنت أخذت المشاهد من سياقها، مستطردة: اتضايقت من أبويا جدا وكان الشريط سخيف جدا، وقلت له واضح إنك عايز تقف كالمحامي اللي عايز يدافع عن رأيه وفكرته واتقفلت منه.

وأكدت: "احنا مش ملك لأهالينا ولا عبد للأب ولا الأم واحنا مش ملكية خاصة، احنا لنا خصوصيات واستقلالية وحرية في التصرف".