"ست عظيمة" حسام حداد يطلق مبادرة لدعم وتشجيع مُنقذة طفلة المعادى

وطالب "حداد" خلال فيديو نشره عبر صفحته الرسمية بـ "فيس بوك"، المصريين بإطلاق فيديوهات قصيرة على صفحات التواصل الاجتماعي؛ يوجهون فيها الشكر والامتنان لـ إنجي أسامة، لشجاعتها في إنقاذ طفلة المعادي من التحرش.

وقال "حداد" خلال الفيديو: "كلنا اهتمينا بالموضوع واتكلمنا عن حق الطفلة الصغيرة، وازاي يتعاقب الراجل اللي للأسف محسوب علينا بني آدم، والنيابة أخدت الإجراءات واتقدم للمحاكمة واحنا واثقين في القضاء المصري".

وأضاف: "لكن فيه نقطة مهمة جدا؛ إنجي الست المصرية الجدعة اللي قدرت تتحرك وتواجه موقف زي ده، الست دي انا بقولها ربنا يكرمك إنتِ ست عظيمة، فيه ستات كتير بتخاف لما بتتعرض للتحرش، أو بتخاف تواجه موقف زي دي بحكم الخوف من المجتمع، انا هكلمها بنفسي اشكرها واشجعها، وبشجع حضراتكم أي حد يشوف حاجة غلط لازم يتحرك زي إنجي علشان تبقى بلدنا أحسن".

وتابع: "بقول لكل الناس على السوشيال ميديا تكلم إنجي وتعمل فيديوهات تشكرها وتحييها علشان نشجع بعض لما نشوف حاجة غلط ما نسكتش ونتحرك".

واختتم حديثه قائلًا: "برافو عليكِ يا إنجي إنتِ ست عظيمة".