ليلى علوي تنعى محمد الصغير: حول مهنته لصناعة عالمية.. وكان شريكا للفرح والحزن
نعت الفنانة الكبيرة ليلى علوى المصفف المعروف محمد الصغير، مؤكدةً أنه لم يكن مجرد مصفف شعر فقد أقام صناعة بمدرسة ومؤسسة كبرى فى التجميل والتصفيف وحول مهنته لصناعه عالمية وفى الوطن العربى، كما أحدث نقلة كبرى فى مهنته.
وتابعت فى مداخلة هاتفية عبر برنامج "كلمة أخيرة" المذاع على قناة "ON": أن محمد الصغير كان بيحب شغله جدًا وأمين فى مهنته، ودقيق فى كل التفاصيل اللى عاوزها".
وأضافت: "الجانب الإنسانى كان طيب القلب وكريم جدًا، وأنا بعرفه من سنة 1982 من أول القصة اللى عملهالى وأخدت الشهرة الكبيرة وكان أى فرع يفتحه زيادة كنت لازم أتصور فيه وتبقى أول صورة".
وأردفت: "كنا ساكنين فى شارع واحد بينا وبينهم أربع عمارات، محمد وزوجته وأولادهم كانوا من عيلتى لأن عيلتى صغيرة جدًا وأمى مش مصرية ولما جه يخطب مها كان عندى فى البيت وعمره ما سابني أو أى صاحب ليه فى أى موقف مش حلو أو أى موقف فيه فرحة كان دائمًا شريك فى الفرح والحزن".