فى ذكرى ميلاده.. خالد صالح: "عمرى ما عشت الحياة بسيكولوجية المريض"

وفى آخر حوار له مع الإعلامية منى الشاذلى كان يتحدث بنبرات حزن عن المرض والموت، قائلا: "لدى مشاكل فى القلب من زمان لكن عمرى ما عشت الحياة بسيكولوجية المريض لأنها تجعله غير منجز لأن ربنا خلقنى حتى أحاول، لأن الموت ليس بيدى ونحن نرى أمثالاً كثيرة ممكن شخص وهو يعبر الشارع يموت".

و تحدث "خالد" عن أحلامه قائلاً: "أنا متأكد إن ما أحلم به شيء قابل للتحقق ولكن مطلوب مننا بعض الجهد، أنا بكلم كل الشعب، أقول إن اللي جاي مرهون فقط بقدرتكم على التغيير مفيش حد هييجي يخلينا زي الفل، ولو حطينا السكر في الكوب من غير ما نقلب مش هتحلي، لازم مجهود، احنا بنعيش لحظة أجيال كتير معشيتهاش قبل كده". 

ووجه حديثه للشباب قائلاً:" زي ما الكبار أخدوا منكم الحماس والجرأة خدوا منهم الخبرة، متبقوش منفلتين في الحرية، الحرية على قد ماهي محترمة لكن أصلها إن كلنا نبقى مرتاحين، مش إننا نقول دايمًا لأ".  

وتابع: "خدوا من الكبار الخبرة المحمودة والصبر المتحرك وليس المتأخر والثابت، بعيب على الشباب المصري إنكم مخدتوش مننا شوية حكمة وصبر، مفيش بلد هتمشي من غير حكمائها اللي منها مش بس اللي سايقينها" .

 

و كشف أحمد خالد صالح، أن أسعد أيام حياته كان أصعب يوم في حياته، و هو اليوم الذي قرر شقيقة طرده من المصنع لأنه كان دائم التأخير في مواعيده في العمل، و بعدها قرر أن يتفرغ للتمثيل، و بالفعل بعدها قدم دور "نشأت" في محامي خلع و حقق نجاح كبيراً.