رئيس مجلس الإدارة
محمود إسماعيل
رئيس مجلس الإدارة
محمود إسماعيل
ads
ads

بعد تدخل تامر حسين.. التفاصيل الكاملة لاشتعال الأزمة بين رامى صبرى وعزيز الشافعى

وشوشة
وشوشة
شن الفنان رامي صبري، هجوماً على الملحن عزيز الشافعي، بسبب إعطاء الأخير أغنياته للفنان عمرو دياب.
وكتب "صبري" عبر حسابه الشخصي على موقع التواصل الاجتماعي "فيسبوك" معلناً: "ولتاني مره الملحن عزيز الشافعي ياخد اغنيه مني واحنا شغالين فيها ويديها لفنان تاني وهو الفنان عمرو دياب بنفس الشكل التوزيعي والموزع.. أغنيه شكراً كده للي سبنا.. أغنية زي ما أنتِ لذلك قررت عدم التعامل معه مرة أخرى".
ما كتبه رامي صبري أثار ضجة كبيرة، مما دفع تامر حسين وعزيز الشافعي للخروج عن صمتهما والرد على ما تم نشره.
تامر حسين
ورد عليه الشاعر الغنائي تامر حسين، في منشور طويل، عبر فيسبوك: "ردا ً على شكراً والمُهاترات اللى بسمعها.. أولاً ليه بنجيب وبنقحم دايماً أسم ( عمرو دياب) فى جُملة مفيدة ؟ ايه الغرض ؟ ثانياً... توقيت البوست لما الأغنية انتشرت وكسرت الدنيا بالتفاعل وإقبال الناس عليها والإشادة بيها يعنى ليه الكلام ده مكنش فى أول يوم مثلاً؟ ده لو فعلاً الكلام على حق".
واستكمل حديثه: "ثالثاً... اللى اتعلمته ومن أدبيات المهنه لازم الناس كلها تفهمه فكرة الذوقيات يعنى ايه ؟ يعنى نبارك لبعض نهنى بعض مش نتهم الناس فى عز نجاحهم بالباطل لما أى مُطرب فى الدنيا بتعجبه اغنية المؤلف والملحن بيعملوا (تنازل عن حقوق الإستغلال ) للمطرب طالما ماحصلتش الخطوة دى من زمان تبقى الأغنية ملك الشاعر والملحن لحين اختيار الأفضل وارد جداً تسمع مطرب زميل اغنية من سنة سنتين ولضعف الرؤية الفنية مايتخيلش نجاحها ده اللى بيفرق مطرب عن مُطرب ف سُرعة إتخاذ القرار أنا شايف ان فى تجنى على حق المُلحن عزيز الشافعى أدبياً ومعنوياً دى شهادة حق".
وواصل كلامه: "ومش شايف تماماً اى داعى يسمح بالكلام والصراعات دى وللمرة المليون الناس المُحترمة ما تعلنش مشاكلها فى العلن عيب فى خصوصيات مايصحش ندخل الجمهور فيها ونتهم ناس محترمة بالباطل اكيد مش هنزل فويس نوت نستشهِد بيها احنا (أصحاب الحق )وربنا يهدى".
واختتم حديثه: "وأخيراً ياما ناس سمعت اغانى من سنه وسنتين ومكنش ليهم نصيب فيها ماعملهوش اللى بيتعمل ده لما الأغنية تنجح بالعكس فرحوا واتمنوا انها ياريت لو كت أغنيتهم بكل حُب وتقدير وروح حلوة وده بوست بكُل حُب والله عشان معنديش كلام يتقال تانى مش عايزين الموضوع ياخد أكبر من حجمه هي شُهرة ل الأغنية أكتر بس مابحبش الطريقة دى من الشهرة".
رد رامي صبري 
وكتب "صبري" تعليقاً، قال فيه: "ومين اللي ادالك الاغنيه دي تكتبها یا محترم ياللي دخلت نفسك وكتبلي بوست طويل عريض.. مين اللي بعتلك الاغنيه تكتبها ورؤية ايه اللي بتتكلم عنها وانتو واخدين الرؤيه بتاعتي من الموزع نفسه . لو حضرتك عندك رؤية معملتهاش ليه مع موزع تاني غير وسام؟ دخلت نفسك ودافعت عن الغلط بغلط".
وأضاف: "وخسرت واحد كان بيحبك وبحترمك جدا للاسف حتى لما كلمتني عن تحدي عمرو دياب انا اول واحد عملتهولك وكان ممكن اقول لا علشان كلمتني فا مردتش اقولك لا شکرا یا تامر علي كلامك عني مع جمهورك المحترم وردك الغير مسؤول منك کشاعر کبیر واخ وصديق وعمري ما تخيلت منك كده".
عزيز الشافعي
وكتب عزيز الشافعي رداً على كلام رامي صبري على صفحته على فيسبوك: "مش هرد بالتفاصيل على كلام الزميل المحترم ، عشان لما الواحد يبقى ليه فضل بعد ربنا ف نجاح فنان و بيزود رصيده مع الناس ، بيعز عليه بعد كدة يقلل منه حتى لو تجاوز" .
وأضاف: "و رغم إن كلامه كله (مالوش أي اساس من الصحة) ، احب دايما اشوفه ناجح و بيكمل اللي عملناه.و بشكره على إستجابته لطلبي و قراري الشخصي الي بعتهوله الصبح من خلال صديقنا المشترك محمد حامد بإننا منشتغلش تاني و نكتفي بنجاحاتنا"..
واختتم: "بعتذر للسادة الصحفيين اللي بيتصلوا بيا مش عايز ادي الموضوع اكبر من حجمه وبكتفي بالبوست ده و بالكلام المحترم اللي كتبه زميلي و شريكي تامر حسين على صفحته عن أغنية #شكرا ، اما بخصوص #زي_مانتي ف ممكن ترجعوا للصديق المشترك محمد حامد و تسألوه وشكرا لحد كدة".

مش هرد بالتفاصيل على كلام الزميل المحترم ، عشان لما الواحد يبقى ليه فضل بعد ربنا ف نجاح فنان و بيزود رصيده مع الناس ،...

Posted by Aziz Elshafei on Wednesday, January 6, 2021

ردا ً على شكراً والمُهاترات اللى بسمعها أولاً ليه بنجيب وبنقحم دايماً أسم ( عمرو دياب) فى جُملة مفيدة ؟ ايه الغرض ؟...

Posted by TAMER HUSSIEN on Wednesday, January 6, 2021