"حاجات كتير هترخص هتبقى بسعر التراب".. أشهر ما قاله وحيد حامد عن الإنسانية قبل رحيله!
السبت 02/يناير/2021 - 02:40 م
أميرة عزالدين
رحل عن عالمنا صباح اليوم ، الكاتب والسيناريست الكبير وحيد حامد، والذى أثرى الفن المصرى والعربى بالأعمال المميزة، فقد كان مٌفكرًا ومبدعًا، ويرصد "وشوشة"، أهم وأشهر ما قاله الراحل عن الإنسانية وحبه للوطن.
- حاجات كتير هترخص هتبقى بسعر التراب، أنا وإنت والأستاذ وحضراتكم أجمعين.
- يبصوا على البلد اللي باظت.. إحنا في زمن المسخ.
- كلمة بحبك... عقد.
- حسين أفندي ابن أبويا الحاج وهدان، لا يمكن يكون من أعداء الوطن.
- مفيش صداقة ابدا مع خصومة، اتنين ديابة لا يمكن يعيشوا مع بعض في قفص واحد .
- الفُرص زي الجزم لازم تبقي علي مقاسك.. لا تبقي ضيّقة أوي تخليك تُعرج، ولا تبقي واسعة أوي تخليك تلؤ.
- لما الناس بتموت الحياة بتستمر، بس لما الناس بتبعد الحياة بتُقف، غريب إن الموت أرحم من البُعد، يمكن لإن الموت حاسم انما البُعد فيه إحتمالات.
-المحاكم عندينا أيدها خفيفة اوي وهي بتدي حكم بالسجن او الإعدام وأيدها تقيلة اوي وهي بترجع الحقوق لاصحابها.
- كنت محتاج حد أتكلم معاه .. أتكلم معاه ويسمعني ويطيِّــب خاطري لمَّـا أكون مضايق .. يسمعني كلمة حلوة لما أعمِّــل حاجة صح .. سنين طويلة وأنا مش لاقي حد أتكلم معاه .. يستريحلي وأستريحله .. عشان كدة لقيت نفسي جيت هنا من غير ما أحِــس.
- وبعدين ست الحسن والجمال هيجرى وراها الف شاطر حسن.. مستعجلة على ايه؟
كرامتك يا تهانى كرامتك يابنتى، طز فيه.. الصورة لما بتبقى وحشة بنقطعها ونرميها والصورة لما بتبقى حلوه بنحتفظ بيها لانها بتفكرنا بأجمل لحظات عمرنا يابنتى.
- ضحكوا عليك يا سبع الليل ؟ .. اللي هنا مش أعداء الوطن !
عارف يعني ايه وطن يا أحمد ؟
وطنك هو بلدك.. عدو بلدك له شكل تاني غير شكلك، كلامه غير كلامك، بيرطن بلغة ماتعرفلهاش معنى.
عدوك عاوز يسرقك وينهبك، يفرح اذا انت بكيت، ويشبع لما انت تجوع..
كل اللي هنا أهلك وناسك يا أحمد !.
- الدنيا يا ولدي ليها وشين.. أبيض وأسود.. لما تبقى بيضا قدامك افتكر الأسود عشان تسلك، ولما تبقى سوده افتكر الأبيض عشان تقدر تعيش لبكرة.
