زوجة أحمد لفلوكس تتغزل فيه: "أنت اللي آستوليت على قلبى"

أعرب الفنان أحمد فلوكس، عن سعادته بنشر زوجته بوست حب له علي مواقع التواصل الاجتماعي "فيسبوك".

وقالت زوجة فلوكس، "أنت الكينونه والانتماء انت الحاله اللي ما اديتش فرصه اني  أعيشها مع حد انت اللي استوليت علي قلبي بكل تفاصيل بدايتنا مع بعض وقصة حبنا واللي كملت حتى بعد الانفصال وادت أحلى مثال لاتنين انفصلوا لأي سبب من الأسباب.. وأكيد الكل كان بيسأل يا ترى ازاي استحملت وهو بيتجوز قدامها؟.. ويلبس من بيتها يوم كتب كتابه وتتعامل برحابة صدر مع القصه كلها ما هو ده الحب لما تجردي كل فكره لوحدها ده حبيبي بس مش قادره اكون معاه لأي سبب وعايزه مبسوط، بس ده ابو ابني اللي بتمناله الخير ده صديقي اللي وفي".

وأضافت "أسرار كثير بينا، ده اللي ضهرنا مكشوف لبعض، ده الإنسان البعيد عن اي علاقه من دول الجدع اللي اي حد ممكن يلجأله في اي حاله ومايردوش ابدا وده بشهادة الجميع.. ده اللي اتمنيتله الخير في كل لحظه في حياته وهو بعيد وهو قريب.. ده اللي أكرمني (كل الكرم) في بلده وانا مش على ذمته.. ده اللي لما رجعتله عرفت اني ماقدرش اعيش غير معاه ومع ابني لأن سيف كان مديني تكملة القصه في بعده، اللي هي يالكيان ده اللي بنيته في اول جوازنا يا بلاش.. كل ست في حياتها مابتتمناش تعيش تجارب كثير اللا الحالات الشاذه.. الست بتآمن بشخص حبته وبتديه من قلبها وتعمل كيان وأسرة من الحلم ده.. أنت الحياه والقصة اللي عشتها وصدقتها وانتميت اليها انت الانتماء والحالة الخاصة جدًا كرجل يحب بصدق ويحتوي ويحترم المحترم يا أصيل.. ربنا يحفظك لينا ويبعد عننا كل شر ويعوضنا ببعض عن كل الاختبارات في البعد".