أحمد السقا يعتذر لتامر حسني: "يعلم الله كم كنت مجروحًا"

وجه الفنان أحمد السقا، رسالة لصديقه الفنان تامر حسني ليعتذر له، بعدما رد الأخير عليه ليوضح حقيقة الخلاف الذي حدث بينهما بسبب مشهد السقا في فيلم "الفلوس" .

وكتب السقا عبر حسابه الرسمي بموقع التواصل الاجتماعي "فيسبوك" في منشور: رسالة إلى صديق عزيز.. صديقي وأخي العزيز تامر حسني.. أنت عارف اللي بيني وبينك عيش وملح وحاجات كتير".

وأضاف: "قد أكون اخطأت أنى اتكلمت في الموضوع على الهوا ولكن يعلم الله كم كنت مجروحًا وكم كنت حزينًا.. مش هاطول عليك أكثر من كده ولو أنا زعلت شويه وأنت شويه نبقى خالصين يا عمر".

وأختتم السقا المنشور قائلًا: "تامر حسني أحنا اللى بينا كتير ماتزعلش يا عم وحقك عليا.. وميعادنا الحفله اللى جاية.. أحمد السقا".

وجاء ذلك بعد تعليق تامر حسني على ما قاله "السقا"، فى برنامج "السيرة" مع الإعلامية وفاء الكيلاني، قائلًا "حبيبي وأخويا وصديق العمر ونجم الدنيا كلها أحمد السقا، كنت أتمنى إنك تكلمني بيني وبينك لو كنت زعلان من أي حاجة أو فاهم أي حاجة غلط، لإن الحاجات دي لا يمكن تفوتك وأنا كنت أتمنى مكتبش الكلام دا هنا بس عشان بعد كلامك في التلفزيون الجمهور الكريم بقى ليه حق إنه يفهم الصح، عشان أفكرك بس، أنت كلمتني وقولتلي خبر في موقع وعليه صورة افتراضية للفيلم وكاتبين إنك بطل في الفيلم".

وأردف قائلاً “وأنا رديت عليك إن دي اجتهادات صحفية والصورة من تصميم المحبين اللي أكيد فرحوا بالخبر إننا مع بعض، حتى أنا مقولتش إن دي الشركة المنتجة لأنها شركة كبيرة لا يمكن تعمل كدا لأن الفيلم متباع للخارج والداخل باسم أخوك تامر حسني وأصلًا أفيش الفيلم الرسمي نزل والناس كلها شافته وأنت مش فيه ولا فيه اسمك وكل الأبطال طالعين مرسومين معرفش وعلم من إيه الحقيقة كان ممكن تزعل لو الكلام دا نزل على صفحتي أو صفحة الشركة المنتجة".