"كنت أتمنى تكلمنى بينى وبينك".. تامر حسنى يوضح كواليس خلافه مع أحمد السقا
الأحد 11/أكتوبر/2020 - 12:10 م
أميرة عزالدين
قام الفنان أحمد السقا، بتوجيه اللوم والعتاب للفنان تامر حسنى، بسبب فيلمه الأخير "الفلوس"، خلال لقائه ببرنامج "السيرة"، مع الإعلامية وفاء الكيلانى عبر شاشة dmc.
وأوضح أن انزعاجه بسبب استخدام اسمه فى الدعايا للفيلم، وهو أمر غير صحيح لأنه كان ضيف شرف بالأحداث فقط، وأثر ذلك عليه بشكل شخصى ومهنى.
من جانبه، خرج الفنان تامر حسنى، ليرد عليه من خلال خاصية الاستورى بحسابه الرسمى بموقع التواصل الاجتماعى انستجرام، قائلاً": حبيبى وأوخويا وصديق العمر نجم الدنيا كلها أحمد السقا كنت أتمنى انك تكلمنى بينى وبينك لو كنت زعلان من حاجة أو فاهم أى حاجة غلط لأن الحاجات دى لا يمكن تفوتك.. وأنا كنت أتمنى مكتبش الكلام دة هنا بس علشان بعد كلامك فى التليفزيون الجمهور الكريم بقى ليه الحق أنه يفهم الصح".
وتابع قائلاً: "علشان افكرك بس انت كلمتنى قولتلى فى خبر فى موقع منزلين صورة افتراضية للفيلم وكاتبين انك بطل فى الفيلم وانا رديت عليك وقولتلك دى اجتهادات صحفية والصورة من تصميم المحبين اللى أكيد فرحوا بالخبر اننا مع بعض.. حتى أنا مقولتش أن دى الشركة المنتجة لأنها شركة كبيرة ولا يمكن تعمل كدة لأن الفيلم متباع فى الخارج والداخل باسم أخوك تامر حسنى، واصلا افيش الفيلم الرسمى نزل والناس كلها شافته وانت مش فيه ولا اسمك فيه".
واختتم حديثه قائلاً: "انا شرحتلك من سنة الكلام دة وعيدت عليك مرتين فى عيد ميلادك والتانية بخصوص برنامجك لو كنت لسة زعلان كنت هتقولى ساعتها.. الفيلم بقاله سنة يا أحمد، واخيرًا بقى مستحيل الشركة تروج أو انا افوت أو اسمح باستخدام اسمك كبطل فى الفيلم وانت مش فيه لأن دة هيعود علينا كلنا بالضرر لان الناس هتدخل الفيلم مش هيلاقوا الكلام دة فيبقى احنا بنضحك على الناس وضربنا الفيلم.. انت حبيبى يا أحمد وصديق عمر علشان كدة انا اللى مش هزعل منك".