وليد يوسف يكشف عن المشروع الأخير للراحل المنتصر بالله

عبر السيناريست وليد يوسف، عن حزنه الشديد لوفاة الفنان المنتصر بالله، ونشر علي صفحته عبر موقع التواصل الاجتماعي صورة تجمعهما.

وعلق "يوسف" على الصورة قائلًا: "الصوره دي في البيت عند مونتي كنت بعرفه علي جزء من فريق عمل مسرحيه أطفال كانت بطولته وكان هايرجع بيها مرة تانيه للشغل.. في بروفات الترابيزة كان متالق كالعاده، وكان بيرمي ايفيهات مضحكه جدًا وغير متوقعه".

وأضاف: "عملنا ٣ بروفات وكلمتني رانيا بنته طايرة من الفرح الدكتور اللي بيتابع عنده مونتي قال لها إن الشغل عمل طفرة في حالته وأن الجلطه اللي كانت مقعداه في البيت لسنين في طريقها للشفا  وتحمسنا أكتر للمشروع ومش عايز أقولكم فرحه كل الممثلين اللي في العرض واحساسهم بالفخر للشغل معاه.. لكن للاسف مونتي جاله دور برد.. تعب شويه واجلنا البروفات.. وزاد التعب ورجع مونتي للبيت تاني.. وفضل تعبان لحد ما راح لربنا النهارده.. فيه ناس كتير روحها وحياتها في الشغل.. ما بتحسش أنها عايشه وموجوده غير بالشغل.. قعده البيت موت مبكر".

واختتم حديثة قائلًا: "لكن مونتي هيفضل موجود وعايش ومبهج أنا متاكد أنه دلوقت بينشر البهجه في السما زي ما كان بينشرها في الأرض.. خالص عزائي ليكي يا عزيزة ياست الستات.. نموذج الزوجه الوفيه.. وربنا يصبر قلوبكم يا بنات".