بعد انتقاد ملابسها.. بسمة وهبة: "أي حد هيقل أدبه هامسح بيه بلاط الأرض"
الخميس 17/سبتمبر/2020 - 12:06 م
أميرة عبد الهادي
عبرت الاعلامية المصرية بسمة وهبة عن غضبها من بعض متابعيها بسبب انتقادهم لملابسها، وذلك عبر مقطع فيديو نشرته عبر حسابها على "انستجرام".
وقالت "وهبة": "أي حد حيقل ادبه حامسح بيه بلاط الارض.. انا عندي 99٪ من الفانز بتوعي ناس محترمين والاخ قليل الادب اللي بعتلي النهاردة وعارف نفسه ان شاء الله يا ابني ما اتمنالك اللي عندي عندك بس أنا حقولك ان شاء الله اللي عندي يبقى عندك فتحس فتعرف فتتفهم ياللي ما عندك دم ياللي مش محترم ياللي أهلك ما عرفوش يربوك".
وتابعت: "اي حد حيغلط فيه حاغلط فيه مش معنى إننا شخصيات عامة يبقى نسكت على الإهانة لو اي واحد او واحدة فيكم ماشي في الشارع وحد هزقه او كلمه مش هيسكتله مفيش حاجة اسمها أنا شخصية عامة فاسكت على الإهانة.. أي حد هيقل أدبه همسح بيه بلاط الأرض".
وأردفت: "هو أنا لازم اتمرمغ في الأرض علشان تعرفوا إني عيانة ويتعالج، أنا واحدة بتقابل أي إبتلاء بالحمد لله، وبقوى وبقول يانا يا هو".
واختتمت الإعلامية بسمة وهبة حديثها بسب بعض المتابعين لديها على انستجرام.
