رئيس مجلس الإدارة
محمود إسماعيل
الإشراف العام
أحمد الهواري
رئيس مجلس الإدارة
محمود إسماعيل
الإشراف العام
أحمد الهواري
ads
ads

"أنت حر ما لم تضر".. نجوم الفن يعلقون على تصريح يوسف الشريف

وشوشة
وشوشة
أثارت تصريحات الفنان يوسف الشريف، جدلا كبيرا على السوشيال ميديا، بين مؤيد ومعارض لهذه التصريحات، والتي قال فيها إنه يرفض تقديم المشاهد الجريئة أو الساخنة، كما أنه يضع هذه الشروط في عقد العمل، وعلق عدد من الفنانين على ما قاله عبر حساباتهم على مواقع التواصل الإجتماعي.

هشام ماجد
وجه الفنان هشام ماجد، رسالة لمنتقدى يوسف الشريف، بعد تصريحه، وقال عبر صفحته الرسمبة على "فيسبوك": "في في بعض الناس سواء شغالين فالمجال الفني او صحفيين او ناس عادية استغلوا الكلام اللي قالوا يوسف الشريف في برنامجه مع رامي رضوان و ابتدوا يهاجموه و قاموا ناشرين حاجات لأفلام قديمة عملها عشان يثبتوا انه كان بيعمل الحاجات دي عادي و انه يعني كدة بيدعي الفضيلة و كدة...الفصيلة دي من البني ادمين هما تاني اوسخ حاجة بعد الكورونا" .

وتابع قائلاً" كل الأحترام ليوسف الشريف... فنان راقي و محترم بيتعب علي شغله و بيحترم جمهوره..و كل الإحترام لأي حد متفق او مختلف مع كلامه بس بإحترام ...و كل واحد ليه الحرية في افكاره طالما بيحترم اللي حوليه و مبيأذيش حد... مش عجبك كلامه تقدر ماتتفرجش علي اعماله او تقدر متشغلوش ...انما تطلع  تقطع و تشوه فيه بحجة انك المحامي المدافع عن حق الفن و حرية الإبداع تبقي شخص ناقص ... بس كدة...كلمتين كانوا حزئني ... اتفضلوا استلموني معاه".

في بعض الناس سواء شغالين فالمجال الفني او صحفيين او ناس عادية استغلوا الكلام اللي قالوا يوسف الشريف في برنامجه مع رامي...

Posted by Hesham Maged on Saturday, June 27, 2020

آيتن عامر
كتبت الفنانة اَيتن عامر، تغريدة، عبر حسابها الرسمي بموقع "تويتر": "بصراحة متضايقتش خالص من إنترفيو يوسف الشريف وبصراحة مش فاهمة الدوشة دي كلها ليه؟.. أنت حر ما لم تضر، بس كده، وما أعتقدش أنه ضر حد بقناعاته، شابوه يا عم". كريم فهمي وجه الفنان كريم فهمي، رسالة للفنان يوسف الشريف وعلق عليها: "الراجل دا أنا بحبه وبحترمه في العموم مخلص ومجتهد وحر في رأيه ويحترم".

 

خالد سرحان
علّق الفنان خالد سرحان قائلاً" اعترض على تصريح الزميل المحترم حاجة زي دي خليها بينك وبين نفسك لأن ممكن جدًا تسيئ لزملائك، وتتفهم بكذا معنى". و أضاف" وممكن تبان أنه تصريح الهدف منه الاثاره انت فنان أكبر من كده بكتير المفروض ميفوتكش الحاجات دي وزملائك محترمين على فكره مش أنت بس المحترم".  

محمد أنور
كتب الفنان محمد أنور، " إيه كل الهري والكلام الفاضي اللي حصل عشان الراجل ده قال إنه عنده مبدأ معين هو إنه ضد المشاهد الساخنة أو الأحضان والبوس والكلام ده، لإنه ببساطة بيخاف ربنا ومش عاوز يغضبه، وهو شغال بالمبدأ بقاله أكتر من عشر سنين وناجح بيه وربنا كارمه من وسع كمان، وإنه هو مش ضد اللي بيعمل عكس كدة ولا شايف نفسه أكتر احتراما من حد". وأضاف محمد أنور: "فجأه كل الناس شايفاه رجعي ومتخلف ومش فنان، كل ده علشان موضوع الراجل طرحه بكل احترام وقال إنه فيه ممثلين كتير زيه أصلا مش بيحبو يعملوا ده أو ندموا أصلا على أعمال هما قدموها في البداية وبعدين شافوا إنه ماينفعش إنه يعمل كدة تانى"، ثم أكد أنور أنه يتفق تماماً مع كل ما ذكره الفنان يوسف الشريف مؤكداً أنه مؤمن بكل ما قاله.

ايه كل الهري والكلام الفاضي وقله الادب اللي حصلت عشان الراجل ده قال انه عنده مبدأ معين هو انه ضد المشاهد الساخنه او...

Posted by Mohamed Anwar on Saturday, June 27, 2020
ناهد السباعي  

وعلقت الفنانة ناهد السباعي، عبر صفحتها الرسمية على موقع التواصل الاجتماعي "فيسبوك"، قائلة: "هو ليه الناس بتطالب بالحرية الجنسية للشواذ.. وتنتقد راجل رافض المشاهد الساخنة لأسبابه الخاصة.. دي حريه شخصية.. ودي حريه شخصية.. مش عجبك متتفرجش عليه ومتشتغلش معاه وفي الاخر.. شابوه يوسف الشريف".

هو ليه الناس بتطالب بالحرية الجنسيه للشواذ وتنتقد راجل رافض المشاهد الساخنة لاسبابه الخاصه دي حريه شخصيه ودي حريه شخصيه مش عجبك متتفرجش عليه ومتشتغلش معاه وفي الاخر #شابوووووه #يوسف_الشريف #النهاية

Posted by Nahed ElSebai on Saturday, June 27, 2020