بطريقة كوميدية.. نجوم الفن يدعمون طلاب الثانوية

 دعم الفنان هاني رمزي عبر إنستجرام طلاب الثانوية العامة بكلمات مشجعه وطريقة كوميدية، حيث كتب هاني"‏ربنا مع كل طلبه الثانويه العامه وإن شاء الله الامتحانات تعدى على خير والكل ينجح". ونشر هاني صورة كوميدية له بصحبة الراحل طلعت زكريا ويقول رمزي له "متنساش تغششني في الامتحان بكره ليرد علية"ياعم قولي الماده اللي هنمتحنها بكره ايه الاول".

  أحمد زاهر

نشر الفنان أحمد زاهر عبر حسابه على إنستجرام، فيديو دعم فيه طلاب الثانوية العامة، قائلا: "أبنائي فلذات أكبادي طلبة وطالبات الثانوية العامة، مبدئيا ربنا معاكم وهيعينكم بإذن الله، مساطركم وأقلامكم ومذاكرتكم وكمامتكم وكحولكم، متفكروش في كورونا خالص، عقلكم في راسكم". وأضاف زاهر: "ركزوا وإن شاء الله ربنا الحارس، من توكل على الله فهو حسبه، إن شاء الله هتنجحوا، إن شاء الله محدش هيتصاب، خلوا بالكم محدش يقلع الكمامات، مصر كلها بتدعيلكم".

  عمرو وهبة  

و حرص الفنان عمرو وهبة، على إيصال تجربته فى الثانوية العامة للطلاب، و ذلك من خلال فيديو نشره على حسابه على" إنستجرام". و قال" وهبة" فى الفيديو " أنا كنت ثانوية أزهريه و هى أصعب من الثانويه العاديه لان المواد بتكون متفصصه فالناس اللي كانت بتبقى مضيقه من صعوبة النحو أنا كان بيبقى عندي امتحان نحو بس و صرف و بلاغه بس.. و أنا مكانش عندي مشكلة مع صعوبة المادة قد ما إحنا بندرس ده ليه". و تابع قائلاً "الثانوية العامة سنه مهمة لكنها مش نهاية العالم و لو الكليه اللي انت عايز تدخلها و مدخلتهاش متزعلش علشان ربنا اكيد هيديك الأحسن، اجتهدوا و النتيجه بتاعت ربنا ".

  سامح حسين

نشر الفنان سامح حسين عبر حسابة على "فيسبوك" مشهدا من مسلسل"اللص والكتاب" بمشاركة محمود البزاوي الذي كان يقدم دور "شيكو مدريد" وكتب على الصور "الامتحانات قديما في زمن ما قبل كورونا". وعلق "كل أمنياتى لإخواتي طلبة الثانوية بالنجاح والتوفيق ياااااارب .. وماتعملوش زى شيكو مدريد"