زينة تبعث رسالة مؤثرة لوالدها الراحل
السبت 14/مارس/2020 - 03:35 م
رضوى فاروق
وجهت الفنانة زينة، رسالة مؤثرة لوالدها الذي فارق الحياة منذ ١٢ عاماً، وذلك عبر حسابها الشخصي على موقع تبادل الصور "انستجرام".
وعلقت زينة على صورة والدها قائلة: "من كتر ما أنا بحبك نفسي أعاتبك أني بقالي ١٢ سنةً ماشفتكش وكأنه بايدك يا أبويا استغفر الله العظيم اللهم لا اعتراض.. أنت ارتحت وأنا اللي بموت كل يوم منغيرك يا بابا".
وأضافت "أنت أكيد مبسوط بس أنا لا المهم راحتك بس وحشتني اوي ومافيش طعم لحاجه منغيرك صايصة كده ومالهاش لازمه الدنيا الله يرحمك ويعفو عنك في الجنة ونعيمها".
واستكملت "ويارب يكون بيوصلك سلامي ودعائي وتكون عارف ان زي ما أنت عشت علشاني أنا واخواتي احنا كمان عايشين علشانك دلوقتي اخواتي احلي ذكري من ريحتك وصلبك يا غالي.. ارجوا منكم الدعاء بالرحمة والمغفرة لأغلي مخلوق في قلبي وعقلي أبويا ويرحم كل أب يارب".
وتشارك حالياً الفنانة زينة في بطولة "جمع سالم" ويشاركها دلال عبدالعزيز، سلوى خطاب، محمد شاهين، عبدالرحمن أبوزهرة، ميدو عادل، بسنت شوقي، تأليف محمد ناير وإخراج إيمان حداد.
