آيتن عامر: نفسي أعمل أغانى حلوة

شاركت الفنانة آيتن عامر، متابعيها على موقع تبادل الصور والفيديوهات "إنستجرام"، صورة من داخل إحدى استوديوهات التسجيل، وكشفت من خلال تعليقها على الصورة عن سر حبها للغناء.

وكتبت "آيتن" فى تعلقها "وأنا فى المدرسة كان عندى مدرسة موسيقى اسمها مس سمر اثرت فيا بشكل كبير علمتنى العزف على كل الآلات الموسيقية واولها كان الاوكورديون مع انه كان اكبر منى اصلا  كنت وقتها فى تالتة ابتدائي وكنت بمشي طابور المدرسة كله وكنت كل يوم انا اللى بعزف النشيد الوطني وموسيقى التمارين".

وأضافت "ولما كان حد من الشباب بتوع الدرامز كان بيغيب أو بيتأخر كانت مس سمر بتمسك الاوكورديون وانا كنت بستلم الدرامز  دة غير انى كنت بطلة حفلات المدرسة من اول فقرة الشعر الفرنساوى لحد استعراض الحب نادانى لحكيم".

واختتمت قائلة "حببتنى فى الغنا جدا لدرجة أن كنت فعلا حلمى أكون مطربة وأعمل أغانى حلوة وفعلا لما كبرت وقبل ما أمثل مضيت مع شركة إنتاج أغانى ونفذت أغنيتين بس قبل ما ننزلهم كنت ابتديت تمثيل وحسّيت انى موهبتي كممثلة اكبر بكتير من الغناء والحمد لله نجحت، بس لحد دلوقتى فى حاجة جوايا مش قادرة اخبيها اكتر من كدة.. انا نفسي اعمل اغانى حلوة ومش قادرة انفذ الخطوة دى بصراحة".

يشار إلى أن آيتن عامر، تعرض لها حالياً مسلسل "الأخ الكبير" الذى شاركت فى بطولته مع كل من محمد رجب، عبير صبرى، هبة مجدي، دينا فؤاد، محمد عز، أشرف زكى، محمود حجازى، راندا البحيرى، هاجر أحمد، إيهاب فهمى، محسن منصور، رانيا ملاح، أحمد حلاوة، عمرو عبد العزيز، أحمد إمام، زينة منصور، وتدور أحداثه في إطار شعبى.