بالفيديو.. مي حلمي تعلن عن إقتراب موعد زفافها.. وهنحكي كل حاجة في الوقت المناسب

علقت الإعلامية مي حلمي، على ما انتشر عنها من شائعات خلال الأيام السابقة، عقب إلغاء عقد قرانها على الفنان محمد رشاد.

ونشرت مي على حسابها الشخصي بموقع  الصور والفيديوهات "إنستجرام" قائلة: "مش عايزة اتكلم في أي حاجة غير عن وجع كسرة الفرحة، ولا إعلام ولا ميديا ولا دنيا ولا مين شمتان ولا مين فرحان مش فارقلي، كلنا بندور على الفرقعة على السبق اللي يضرب".

وأضافت، "لو هتكلم عن نفسي عمري ما هعمل كده وقت غياب فرحة حد، ومش أي فرحة دي فرحة العمر زي ما بيقولوا، إزاي قدرتوا تعملوا كده لكل الناس وأولهم القريبين، إزاي قدرتوا تقولوا كلام غلط وحكايات ماحصلتش إزاي سبتوا فرحتنا على جنب".

وتابعت: "عارفين يعني إيه بعد ما ألبس فستاني أقلعه، بعد ما خلاص خطوة واحدة من ٤ سنين مستنياه تبوظ بسبب الناس اللي نقلت كلام غلط، مش هقول الميديا، الميديا طول عمرها كدة وقبل ماشتغلها وأنا عارفة إنها كدة، نتكلم عن الناس الطبيعية، إزاي قدرتوا تشمتوا وتفرحوا في وجع غيركم واللي يدعي واللي يضحك واللي يقول أحسن، فهموني إنتوا بني آدمين؟، بتخافوا ربنا".

واختتمت حديثها: " فرحه فستان بتاعت الراديو راجعه راجعه ان شاء الله هنحكي كل حاجه وهنقول كل حاجه بس في الوقت الي احنا عايزينه مش الي الناس عاوزاه، نصيحة من قلبي لكل اتنين متجوزين عايزين يسيبوا بعض، لكل اتنين مخطوبين، لكل اتنين بيحبوا بعض، الحب مابيتبعش، ولو ضيعتوه والله ما بيجي تاني، امسكوا فيه مهما حصل، أكيد هنطلع ونتكلم، بس ادونا شوية فرصتنا مع بعض بعيدًا عن الأضواء".

View this post on Instagram

مش عايزه اتكلم في اي حاجه غير عن وجع كسره الفرحه ،، ولا اعلام ولا ميديا ولا دنيا ولا مين شمتان ولا مين فرحان مش فارقلي ... كلنا بندور علي الفرقعه علي السبق الي يضرب بس لو هتكلم عن نفسي عمري ما هعمل كده وقت غياب فرحه حد ومش اي فرحه دي فرحه العمر زي ما بيقولو ..... ازاي ؟ ازاي قدرتو تعملو كده لكل الناس واولهم القريبين ازاي قدرتو تقولو كلام غلط وحكايات ماحصلتش ازاي سبتو فرحتنا علي جمب طيب هقولكم عارفين يعني ايه بعد ما البس فستاني اقلعو ؟ بعد ما خلاص خطوه واحده من ٤ سنين مستنياه تبوظ بسبب الناس الي نقلت كلام غلط مش هقول الميديا الميديا طول عمرها كده وقبل ماشتغلها وانا عارفه انها كده نتكلم عن الناس الطبيعيه ..... ازاي قدرتو تشمتو وتفرحو في وجع غيركم والي يدعي والي يضحك والي يقول احسن فهموني انتو بني ادمين ؟ بتخافو ربنا ؟ طيب حتي لو نفرض وده فرضا ان حد من الطرفين غلطان ليه الدعا عليه والحسبنه ليه اصله مش زرار هتقوم من النوم تدوس عليه فهتنسي العشره والسنين وتقعد تدعي وتهين لا لا ابدا مهما حصل بتلاقي نفسك مش طايق كلمه وحشه علي الطرف التاني ونفس الكلام للطرف الاخر .... بعد الهيصه والزيطه مابيفضلش غير الحلو وبيبان الوحش بس كل الي عايزه اقولو الشدد بتبين ... في الاخر حبيت اخرج كلام جوايا من الي شوفته اليومين الي فاتو و والله والله مافرق معايا غير فرحتنا انا وهو مش انا بس الي اتكسرت فستاني الي قلعته بدلته الي اتقلعت ومحدش فاهم حاجه اهالينا الي زعلانين علينا .... ماكنتش ناويه اتكلم بس كلام جوايا وكنت عاوزه اقولو محدش بيرضي في عشره عمره لو عامل فيه ايه مابيرضالوش الوحش ولا دعوه واحده بالغلط عشان ماحدش كان عارف ايه الي حصل معظم الناس انا كنت هناك انا كنت حاضر انا كنت شاهد ... كنت دعيت ربنا يهدي الدنيا ويجمعهم في الحلال بدل ما كنت حكيت الي سمعته مش الي شوفته احساس صعب فرحه عمرك تتكسر قدامك بعد سنين مستنيها ساعتها ولا بيفرق شكل من كلام ناس من دنيا فرحه فستان #بتاعت_الراديو راجعه راجعه ان شاء الله هنحكي كل حاجه وهنقول كل حاجه بس في الوقت الي احنا عايزينه مش الي الناس عاوزاه.... نصيحه من قلبي لكل اتنين متجوزين عايزين يسيبو بعض لكل اتنين مخطوبين لكل اتنين بيحبو بعض "الحب مابيتبعش" ولو ضيعتوه والله مابيجي تاني امسكو فيه مهما حصل اكيد هنطلع ونتكلم بس ادونا شويه فرصتنا مع بعض بعيد عن الاضواء وعاوزه دعوه حلوه لينا ارجوكم 🙏🏻

A post shared by Mai Helmy (@maihelmy.official) on Oct 25, 2018 at 3:47am PDT