شاهد بالصورة.. خطوبة مينا عطا
الأربعاء 08/أغسطس/2018 - 09:26 م
جهاد محمود
أعلن المطرب مينا عطا أحد متسابقي برنامج اكتشاف المواهب "ستار أكاديمي" عن احتفاله بخطبته مساء اليوم الأربعاء منذ قليل.
ونشر "عطا" عبر حسابه على موقع انستجرام، صورة تجمعه بخطيبته، وعلق عليها فاكرين يوم ما غنيت في ستار أكاديمي أغنية لا تروحي، وكانت أمنيتي إن البنت الوحيدة اللي حبتها في حياتي ترجع لي ونكمل حياتنا سوا.
وأضاف الحمد لله من نعم ربنا عليا النهاردة اني أقدر أقول إننا رجعنا لبعض واتخطبنا كمان وفرحنا بإذن الله بالقرب من.. أولاً عاوز دعوة حلوة منكم لينا وثانياً هما كلمتين.. لو ليك أمنية أو حلم، امسك فيه بإيديك وسنانك واوعى تقول مستحيل أو مش هيحصل لأن ربنا كبير أوي وعالم بنيتك وحالك وبيديك دايماً اللي أنت محتاجه والمناسب ليك في الوقت المناسب.
واختم كلمته أما بالنسبة للـ11 سنة حب واللي استحملتني كتير ووقفت جنبي زمان كتيير أوي قبل أي شهرة وقبل كل حاجة أيام ما كانت بجد الحياة سودة ومتقفلة في وشي ومش عارف أحقق أي حاجة.. أحب اقول لك لو لفيت الدنيا كلها والله العظيم عمري ما هلاقي زيك وعمري ما حبيت ولا هحب ولا عرفت حب بجد يعني إيه غير معاكي، انتي كل حاجة في حياتي، بحبك.
