محمد فراج: الإحساس ده مش لطيف!
يبدو أن بدء عرض الحلقة الأولى من المسلسلات المشاركة في
الماراثون الرمضاني اليوم، لم يمر مرور الكرام على الفنان محمد فراج، أحد ابطال
مسلسل "أهو ده اللي صار"، وذلك لتأجيل الشركة المنتجة عرضه لرمضان 2019.
ونشر "فراج" عبر حسابة الشخصي بموقع
"انستجرام"، صورة لشخصيته في العمل، وعلق عليها: "أول مره أحس
الإحساس ده، إنى العب شخص فى عمل و فى الآخر مايتعرضش، صحيح إحساس مش لطيف خالص،
لكن مكنتش هبقى مبسوط أكتر لو اتعرض وماتشافش كويس، بس الحمد لله على كل شيء، وكل
تأخيره و فيها خيره، معادكوا السنه الجاية مع على بحر فى "أهو ده اللى
صار"، وأقدر أوعدكوا إنكوا هتتفرجوا على عمل فنى محترم قوى بالبلدى كده
هتتمزجوا إن شاء الله، وكل الحب والشكر والتقدير لصناع هذا العمل"، مهنئاً
جمهوره بشهر رمضان المبارك.
"أهو ده اللي صار" بطولة كلاً من روبي، محمد فراج، أروى جودة، أحمد داوود، وإخراج حاتم علي، وتأليف عبدالرحمن كمال، وتنتجه شركة "بي لينك" لمالكها محمد بشيش.
