بالفيديو.. ماذا قال عمرو الليثي عن محمد صلاح؟
قال الإعلامى د. عمرو الليثى فى مقدمة حلقة واحد من الناس: "حلوة الفرحة لما تكون خارجة من القلب، والحقيقة أنا فرحت جدا من فرحة المصريين بمحمد صلاح النجم المصري اللي حفر اسمه بنور في سجل الانجازات.. بجد محمد صلاح بقي رمز للسعادة بالنسبة لى ولملايين من المصريين".
وأضاف الليثى: "فى الحقيقة نفسي نبص لجانب تاني من قصة صلاح، نبص علي حكاية كفاح واصرار علي النجاح.. لعلموكوا مصر ولادة وفيها مليون صلاح بس محتاجين للي يدور عليهم وينور لهم الطريق صلاح مشي في طريقة لوحده، بس فيه ناس تانية كثيرة محتاجين اللي ينور لهم طريقهم مهندسين وأطباء وعلماء وباحثين يملكون نفس فرص نجاح صلاح بس مش لاقيين اللي ينور لهم الطريق".
واستطرد الليثى: "إننى أحلم بوجود كشافين للمواهبين زي اللي كانوا موجودين زمان بيبحثوا فى النجوع والقري بحثا عن الحريفة.. طبعا حريفة الكورة.. أنا نفسي دلوقي في كشافين عن المواهب الفنية والثقافية والعلمية ممكن تلاقي باحث في جامعة صغيرة زي جنوب الوادي بس لو اهتمينا بيه وادينا له امكانيات يوصل لنوبل ويكسر الدنيا ممكن نلاقي شاعر يقعد علي كرسي أدونيس أو درويش.. ممكن نلاقي صلاح تاني.. نفسي يكون عندنا مليون صلاح في كل المجالات".