تامر حسني:"عشان خاطري اسمعوا الأغنية دي"
الثلاثاء 28/نوفمبر/2017 - 12:01 م
ريهام وجدى
نشر النجم تامر حسني صورة صنعها له أحد معجبينه وكتب عبر صفحته الرسمية على موقع التواصل الإجتماعي "فيس بوك" تعليقا عليها قائلا:" الصورة دي شفتها بالصدفة وبصراحة لمستني وبشكر اللي عملها عشان خلّى شريط حياتي وكل معاناتي ومشواري وإصراري على النجاح من السن الصغير دة لحد النهاردة يعدي قدامي عيني وقولت ياااااااااااااااااااه فعلاً مفيش مستحيل."
وتابع "تامر": واقسم بالله من كل قلبي نفسي أوصلكوا المعنى دة نفسي اتكلم معاكم واحد واحد وأكد له إن بجد مفيش مستحيل لأني نفسي أشوفكم كلكم ناجحين وفرحانين ومحققين كل أحلامكم، يا جماعة أنا عمري ما حسيت نفسي فنان أو مشهور وأنا بكلمكم أظنا بتكلم كأخ كصاحب كشاب مصري عربي تعب وإتحارب وإتظلم ونجح ووصل لمستوى بدري عن خياله رغم أنف الظروف."
واختتم "حسني" كلامه:" نفسي يوصلكوا حقيقة الطاقة الإيجابية اللي في الدنيا وإزاي تحولوا السلبي لإيجابي إزاي، وإزاي تستغلوا وقتكم في الشغل على النفس والتطوير منها فعلاً الموضوع فيك، عشان خاطري اسمعوا الأغنية دي كتير أنا عمري ما هطلب الطلب دة إلا وأنا شايف إن الأغنيه دي فعلاً مليانة طاقة دفع للنجاح اللي من جمهوري واللي مش، أرجوك إسمعها (الموضوع فيك )".
من جهة أخرى، يستعد تامر حسنى، لإحياء حفل غنائى، ضمن فعاليات تخرج دفعة 2017 من طلاب كلية الآداب جامعة الإسكندرية، وذلك اليوم الثلاثاء، فى فندق هيلتون جرين بلازا بالإسكندرية.
