سارة نور الشريف تحيي ذكرى رحيل والدها برسالة مؤثرة: كل سنة وأنا أقربلك سنة

أحيت سارة نور الشريف ذكرى رحيل والدها الفنان الراحل نور الشريف، برسالة مؤثرة عبر حسابها على موقع التواصل الاجتماعي «فيسبوك»، استعادت خلالها ذكرياتها معه، معبرة عن اشتياقها الكبير له وافتقادها لوجوده في حياتها.

ونشرت سارة صورة قديمة تجمعها بوالدها الراحل، ووجهت إليه رسالة قالت فيها: «بابي حبيبي وحشتني، عندي مشكلة إنك عايش معايا بس إنت مش موجود».

وأضافت: «بكلمك وبحكيلك حاجات كتير، وباتخض لما ألاقي نفسي بقول أنا عايزة أحكي لبابي الحكاية دي وأفتكر إنك مش هنا، وباتخض لما ألاقيّني عملت أكلة حلوة وأقول عايزة بابي يدوقها».

وتابعت سارة نور الشريف في رسالتها: «من ساعة ما مشيت لحد النهاردة عدى ٤٠١٥ يوم، مفيش يوم ما كنتش معانا ووجودك حاضر في قلوبنا قبل لسانا».

واختتمت رسالتها لوالدها قائلة: «خد بالك من نفسك، كل سنة ويوم ودقيقة وإنت حبيبي، كل سنة وروحك مجاورة روحي، كل سنة وأنا أقربلك سنة».

وتحل اليوم ذكرى رحيل الفنان نور الشريف، الذي غاب عن عالمنا في 11 أغسطس 2015، تاركًا وراءه مسيرة فنية حافلة بالأعمال السينمائية والدرامية التي رسخت اسمه كواحد من أبرز نجوم الفن المصري.