وائل عوني لـ”وشوشة”: لا أعتبر نفسي مظلومًا.. والدراما خسرت نجومًا كبارًا كان يجب الاستفادة منهم
نظمت مجموعة “وشوشة” الإعلامية ندوة خاصة لتكريم الفنان وائل عوني، تقديرًا لمسيرته الفنية، حيث تحدث خلال الندوة عن مشواره في التمثيل، ورؤيته لحال الساحة الفنية، كما كشف رأيه في فكرة “الظلم الفني” وعودة النجوم الكبار إلى الواجهة من جديد.
وقال وائل عوني في تصريحات خاصة لـ”وشوشة”: “مش هقدر أقول إني مظلوم، لأن ربنا عمره ما بيظلم حد، وكل حاجة ليها وقتها. يمكن لسه مخدتش الحظ اللي أنا مستنيه، وفي ناس كتير جدًا عندها موهبة كبيرة ولسه مخدتش الفرصة أو المكانة اللي تستحقها.”
وأضاف أن الوسط الفني شهد عودة عدد من النجوم بعد سنوات من الغياب، مؤكدًا أن الخبرة لا تفقد قيمتها مع مرور الوقت، بل تصبح أكثر نضجًا، قائلًا: “شفنا فنانين كبار وقعوا ورجعوا أقوى، زي الأستاذ طارق الدسوقي وأحمد عبد العزيز. في فترة الناس كانت بتسأل ليه بعدوا، وقالوا إنهم مش هيواكبوا التطور، لكن الحقيقة إن التمثيل كل ما العمر بيزيد، الخبرة بتزيد معاه، حتى لو الفنان بعيد عن الممارسة لفترة.”
وتابع: “المفروض نستفيد من كل الأجيال، ويبقى فيه تنوع في الأعمار والخبرات داخل الأعمال الفنية، لأن ده بيدي قيمة أكبر لأي عمل.”
واختتم وائل عوني تصريحاته قائلًا: “في فنانين كتير بيبقوا مستنيين فرصة يرجعوا بيها للساحة، وللأسف أوقات بنفتكر قيمتهم بعد ما يكون الوقت فات، وساعتها بنندم إننا ما استغليناش وجودهم وهم قادرين يقدّموا فن حقيقي.”
